Hałoŭnaje! Ustalavańnie «niapravilnaha» kryža pry karjery na praspekcie Dzimitrava– pryznańnie taho, što ŭ im, stalinskija karniki rasstrelvali ludziej. Ideja adznačyć miaścinu pamiatnym znakam ahučvałasia i raniej, ale ŭvasobiłasia, nu, svojeasablivym sposabam.

Jaki tam kryž staić – plavać. U ciapierašnich umovach na inšy spadziavacca nie vypadaje. Toje, što adsutničaje biełaruskamoŭnaja šylda. Biada. Ale, biełaruskaja mova jość pry kryžy, jaki pakinuli. Prybrany kryž Jefrasińni vierniecca, ale paźniej.

Na praciahu dziesiacihodździaŭ miascovaja ŭłada i KDB admaŭlała sam fakt zabojstva ludziej u piasčanym karjery. Adpisvali, što źviestak pra toje niama. Rabiłasia ŭsio, kab z historyi horadu ścierci hetuju staronku.

Adzin z sudmiedekspertaŭ, jaki ahladaŭ čałaviečyja pareštki z karjeru, u interviju miascovaj hazecie adznačaŭ, charakternyja adtuliny ad nahannych kulaŭ u čarapach zabitych. Tak rabili čekisty.

Adšukanyja pareštki advieźli na ŭskrajek Mahilova, na Paŭnočnyja mohiłki i tam niedzie zakapali. Mała chto z mahiloŭcaŭ viedaje pra takija kłady.