Baćku palitźniavolenaha padletka Mikity Załatarova aryštavali šosty raz zapar. Za kratami jon z 8 žniŭnia
Michaiła Łapunova 23 kastryčnika asudzili ŭ sudzie Centralnaha rajona Homiela. Jaho znoŭ abvinavacili pavodle art. 19.11 KaAP (raspaŭsiud ekstremisckich materyjałaŭ).
![](http://nnexpictures.fra1.digitaloceanspaces.com/img/w732d4webp1/photos/z_2023_10/lapunou231024-kc54m.jpg.webp)
Michaił Łapunoŭ. Fota: Mocnyja naviny
Hetym razam jaho spravu razhladała sudździa Taćciana Vołkava. Vynik suda pakul nieviadomy, piša «Homielskaja viasna». Ale na volu jon nie vyjšaŭ.
Michaił byŭ zatrymany 8 žniŭnia i z taho času bieśpierapynna znachodzicca za kratami.
Syn Łapunova — Mikita Załataroŭ — adzin z najmałodšych zatrymanych u vyniku pratestaŭ 2020 hoda. Ahulny termin pakarańnia dla jaho skłaŭ 4 hady i 6 miesiacaŭ vychavaŭčaj kałonii.
Padtrymać palitviaźnia: IČU UUS Homielskaha rajvykankama. 246027, Homiel, Mižharodniaja, 26, Michaił Ryhoravič Łapunoŭ
Kamientary