Prezident Čechii nie ŭtrymaŭ u rukach ściah i źbiŭ furažku z hałavy vajskoŭca VIDEA
Na śviatočnaj cyrymonii ŭ Prazie, dzie ŭčora adznačali dzień uźniknieńnia dziaržavy, prezident krainy Piotr Pavieł, uziaŭšy ŭ ruki pieradadzieny jamu ściah, nie ŭtrymaŭ jaho i źbiŭ dreŭkam furažku z hałavy adnaho z bajcoŭ. Videa stała virusnym.
![](http://nnexpictures.fra1.digitaloceanspaces.com/img/w732d4webp1/photos/z_2023_10/2023-10-29203450-xzpdj.png.webp)
«Paciarpieły» bajec roty hanarovaj varty nie razhubiŭsia i, jak taho patrabuje rytuał, addaŭ kamandu ściahavaj hrupie i advioŭ jaje strajavym krokam. Pryčym kali sam hety vajskoviec zachoŭvaŭ poŭny spakoj, to jahony kaleha, jaki išoŭ zzadu, nie zmoh strymać uśmieški.
Sam češski lidar paśla napisaŭ u svaich sacsietkach, što jon nie źbiraŭsia «ŭraznastajvać standartnuju vajskovuju praceduru novym elemientam», a prosta niedaacaniŭ vahu dreŭka. Taksama jon paprasiŭ prabačeńnia pierad vajskoŭcam.
Kamientary
- tak točno! - otvietił bojec roty počietnoho karauła, kak tolko prišieł v siebia i viernułsia v ischodnoje połožienije