Pakatacca na sankach i saniach, pakoŭzacca na kańkach vakoł jalinki, pasmažyć šašłyki, pahrecca la sapraŭdnaj piečy — heta i šmat čaho inšaha prapanujuć biełaruskija ahrasiadziby na zimovyja śviaty.
Fota expressnews.by
Amataram sustreć Novy hod va ŭtulnym viaskovym damku varta paśpiašacca. «Nie ŭhadaŭ ja sioleta z canoj — u mianie damok na dziesiać čałaviek na sutki kaštuje miljon rubloŭ, a ŭ kankurentaŭ tyja ž pasłuhi kaštujuć ad paŭsotni dalaraŭ na čałavieka», — kaža haspadar siadziby «La Śviacka», što za 18 km ad Hrodna, Ryhor Jaromienka. Jon prapanuje haściam stravy biełaruskaj, polskaj i litoŭskaj kuchni. U domie jość usie zručnaści. Tym, chto žyvie nie chlebam adzinym — za jakuju sotniu mietraŭ ad siadziby znachodzicca pałac Vałovičaŭ XVIII st.
Rodnyja kuty zaprašajuć
Siadziba «Rodny kut» Julii i Juryja Buka ŭ Hłybockim rajonie, dziakujučy vodhukam u presie, ciapier nie maje prablemaŭ z naviednikami. Nahadajem, jany robiać źnižku dla biełaruskamoŭnych. Siudy možna naviedacca paśla 1 studzienia, na zimovyja vakacyi. Ceny ad leta jany nie źmianilisia — sutki pražyvańnia ŭ najlepšaj z chatak, dzie jość sanvuzieł, hazavaja plita, ladoŭnia, posud i televizar, kaštuje 15 tysiač rubloŭ z čałavieka.
Svoj «Rodny kut» jość u Minskim rajonie, u vioscy Vałoŭščyna. «Na Novy hod u nas pamiaškańnie zamaŭlajuć za 2—3 miesiacy — i ciapier źniali. Ale pryjazdžajcie da nas kavu ŭ luby čas», — zaprasiŭ haspadar siadziby Uładzimir Sudas. Uzimku ŭ jahonaj chatcy mohuć źmiaścicca šeść čałaviek. Tut majecca pieč ź lažankaj, kamin, łaźnia. Haściam prapanujecca sialanskaja ježa.
Pa miaścinach Ivonki Surviły
Za 60 kiłamietraŭ ad stalicy, na miažy viosak Zarečča i Zasulle, raźmiaściłasia siadziba «Zaračanskija Janiny». Dla haściej — dvuchpaviarchovy dom z žyłymi pakojami, kuchniaj, dušam, saunaj, prybiralniaj i załaj z televizaram. Haspadary pačastujuć mačankaj, babkaj dy inšymi stravami nacyjanalnaj kuchni. U mastackaj majsterni kožny achvočy moža pasprabavać svaje zdolnaści.
Ad 3 da 6 studzienia, a taksama paśla 7-ha, čakaje amataraŭ viaskovaha adpačynku siadziba «Vierahi» na Łahojščynie. Na Novy hod i kaladnuju noč siadzibu ŭžo zaniali. «Arenda pakojaŭ ad 150 da 250 tysiač», — kaža haspadar Anatol.
Na kańkach vakoł jalinki
Siadziba «Haścinny dvor» na Bychaŭščynie śpiecyjalizujecca na palavańni. Adnak i dla amataraŭ bolš mirnaha adpačynku moža šmat čaho prapanavać: pakatacca na sankach i saniach, pakoŭzacca na kańkach vakoł jalinki (katok akurat pačali zalivać), a to i ŭ chakiej zhulać, papieraciahvać kanat i na łyžach prabiehčysia. U vakolicach vioski adnaŭlajecca žanočy klaštar XVIII st., dzie znachodzicca Barkałabaŭskaja cudatvornaja ikona Božaj Maci. Siadziba z usimi zručnaściami źmieścić da 20 čałaviek. Ceny — ad sta tysiač rubloŭ za pakoj na 4—5 čałaviek.
«Naš brend — kuźnia i Błakitnyja aziory», — kaža haspadar siadziby «Trabuciški» na Pastaŭščynie Juryj Furs. Pieršy navahodni tydzień zabraniravali za niekalki miesiacaŭ napierad. Haściej pakatajuć na saniach, paparać u łaźni, pačastujuć nacyjanalnymi stravami. U vakolicach jość što pahladzieć — Łyntupski i Kamajski kaścioły, panskija siadziby ŭ Pastavach, Łyntupach, Kamarovie, staražytnyja młyny i dzoty Pieršaj suśvietnaj, siadziba viadomaha biełaruskaha mastaka Alfreda Romiera.
***
Hrodzienski rajon, Kruleŭščyna, 7
T.: (44) 772-15-83
e-mail: [email protected]
Ryhor Jaromienka
***
Minskaja vobłaść,
Staŭbcoŭski rajon, v. Zariečča, vuł. Centralnaja, d.105.
T.: (29) 643-43-02; (29) 566-43-02
Pavarotny Alaksandr
***
Viciebskaja vobłaść, Hłybocki rajon, v.Vałodźkava
T.: (02156) 3-63-57; (29) 109-51-89
Julija Buka
***
Minski rajon, v.Vałoŭščyna, zav.Lasny, 2
T.: (29) 641-47-62
Uładzimir Sudas
***
Minskaja vobłaść, Łahojski rajon, v.Vierahi
T.: (29) 656-41-34, (29) 274-76-83
***
Mahiloŭskaja vobłaść, Bychaŭski rajon, v.Załachvieńnie, vuł.Centralnaja, 29
T.: (44) 773-31-37, (29) 740-26-26, (02231) 3-23-05
Michaił Dudzikaŭ
***
Viciebskaja vobłaść, Pastaŭski rajon, v.Trabuciški
T.: (29) 668-02-77, (29) 553-29-88, (02155) 4-44-32
e-mail: [email protected]
Jury Furs