«Ludzi navat pra bunt vahnieraŭcaŭ zabylisia. Zabuduć i heta». Što pra antysiemicki pahrom u Machačkale dumajuć u Kramli?
Vydańnie «Mieduza» raspytała ŭ svaich dźviuch krynic, blizkich da Kramla, a taksama ŭ surazmoŭcy, blizkaha da kiraŭnictva partyi «Adzinaja Rasija», jak u hetych kołach usprymajecca ŭčarašni pahrom, zładžany ŭ aeraporcie Machačkały. Pavodle ich śviedčańniaŭ, reakcyja tam — «poŭny aŭrał», «šok» i «achtunh».
Sa słoŭ adnoj z krynic, blizkich da Administracyi prezidenta Rasii,
u samym pačatku antysiemickich vystupleńniaŭ na Kaŭkazie čynoŭniki i palittechnołahi pierasyłali adno adnamu videa, u jakich žychary Dahiestana «šukajuć jaŭrejaŭ» «dziela prykołu». I tolki niadzielnym viečaram, kali pačalisia biesparadki ŭ aeraporcie, supracoŭnikam pucinskaj Administracyi «stała jasna, što da prykołu heta mała padobna».
Surazmoŭcy «Mieduzy» kažuć, što, chutčej za ŭsio, aficyjna ŭ arhanizacyi pahromaŭ abvinavaciać ukrainskija śpiecsłužby. Razam z tym krynica «Mieduzy», jakaja pracavała ŭ paŭnamocnym pradstaŭnictvie Paŭnočna-Kaŭkazskaj fiederalnaj akruhi, kamientujučy padziei ŭ Machačkale, vykazała zdahadku, što
takuju maštabnuju akcyju z nahody padziei, nie datyčnaj niepasredna Dahiestana, składana było b pravieści biez udziełu pradstaŭnikoŭ miascovaha palityčnaha isteblišmientu. Krynica maje na ŭvazie ludziej, niezadavolenych kiraŭnikom respubliki Siarhiejem Mielikavym.
Ciapier u Kramli nibyta ŭpeŭnienyja, što siłaviki «pramarhali historyju ŭ Dahiestanie» i niedastatkova «pracavali z nasielnictvam pa temie antysiemityzmu», kažuć krynicy «Mieduzy». Ale FSB i inšyja siłavyja struktury, u svaju čarhu, abvinavačvajuć u tym, što zdaryłasia, mienavita Kreml:
«Mižnacyjanalnyja adnosiny — ich tema, tut važnaja prafiłaktyka, praca z aŭtarytetnymi ŭ asiarodździ lidarami mierkavańniaŭ, niedapuščeńnie ŭpłyvu niepažadanych piersanažaŭ. A kali hetaha niama — pažar».
Nivodnaja z krynic «Mieduzy» nie čakaje surjoznych kadravych pierastanovak pa vynikach pahromaŭ na Paŭnočnym Kaŭkazie, bo padčas vajny nie da ŭnutranych razborak. Dva surazmoŭcy, blizkija da Kramla, upeŭnienyja, što Kramlu ŭdasca «kupiravać niehatyŭny efiekt» ad padziej u aeraporcie Machačkały z dapamohaj prapahandy.
Inšy surazmoŭca pryznaje, što padziei na Paŭnočnym Kaŭkazie mohuć stvaryć niekatoryja rytaryčnyja ciažkaści dla palityčnaha błoka Kramla ŭ kantekście prezidenckaj kampanii 2024 hoda. Pavodle jaho acenki, ciapier Pucinu budzie składaniej kazać pra «nacyjanalnuju zhodu» i «mirnaje suisnavańnie narodaŭ» Rasii. Adnak krynicy sumniavajucca, što heta stanie surjoznaj prablemaj: «[Ludzi navat] pra bunt vahnieraŭcaŭ zabylisia. Zabuduć i heta».
Pamior adzin z palicejskich, jaki paciarpieŭ padčas biesparadkaŭ u aeraporcie Machačkały
Kiraŭnik Dahiestana abvinavaciŭ «zdradnikaŭ i banderaŭcaŭ» z Ukrainy ŭ arhanizacyi biesparadkaŭ u aeraporcie Machačkały
Aeraport Machačkały zakryli minimum da aŭtorka
U Dahiestanie prachodziać pratesty pad antysiemickimi łozunhami, pahromščyki ŭvarvalisia ŭ aeraport
Kamientary