Ilustracyjnaje fota. Fatima Shbair / AP
Ministr abarony Izraila Joaŭ Hałant skazaŭ u aŭtorak viečaram, što sałdaty armii abarony Izraila dziejničajuć «u sercy horada Haza», paviedamlaje Bi-bi-si.
Hałant znoŭ zaklikaŭ mirnych žycharoŭ, jakija zastajucca ŭ Hazie, sychodzić na poŭdzień siektara.
Akramia taho, jon paviedamiŭ, što, pavodle padlikaŭ izrailskich vajskoŭcaŭ, u vyniku ŭdaraŭ praź izrailska-livanskuju miažu zabityja ŭžo prykładna 70 bajevikoŭ Chiezbały.
Pry hetym ministr zajaviŭ, što Izrail nie zacikaŭleny ŭ poŭnamaštabnaj vajnie z Chiezbałoj, ale hatovy da jaje.
«[Lidar CHAMAS] Jachja Sinvar u Hazie pamyliŭsia i vyrašyŭ los CHAMAS i los Hazy. Kali [lidar Chiezbały Chasan] Nasrała zrobić pamyłku, jon vyrašyć los Livana», — pryhraziŭ ministr abarony.
Taksama Hałant paviedamiŭ, što lidar CHAMAS u siektary Haza Jachja Sinvar znachodzicca ŭ svaim bunkiery ŭ rehijonie i nie maje suviazi z paplečnikami. Jon paabiacaŭ likvidavać Sinvara.