Jeŭrapiejskaja kinaakademija abviaściła naminantaŭ u asnoŭnych katehoryjach 36-j kinapremii. Siarod ich film biełaruskich aŭtaraŭ.
U naminacyi «Najlepšy dakumientalny film» trapiła praca biełaruskich režysioraŭ «Radzima». Film, stvorany Hannaj Badziakaj i Alaksandram Michałkovičam, raspaviadaje historyju maładoha sałdata i maci, čyj syn zahinuŭ u vojsku, paviedamlaje «Budźma».
Taksama ŭ naminacyi: «Apolonia, Apolonica» (režysior Lea Hłob (Danija, Polšča), «Čatyry dački» (režysior Kaŭnter Bien Chana (Francyja, Tunis, Hiermanija, Saudaŭskaja Aravija), «Na Adamancie» (Nikala Filibier, Francyja, Japonija), «Siastryctva z łaźniaj pa-čornamu» (Hanna Chints, Estonija, Francyja, Isłandyja).
Heta nie pieršaja adznaka dla filma «Radzimy»: raniej karcina ŭžo atrymała ŭznaharodu DOX: AWARD na mižnarodnym fiestyvali dakumientalnaha kino ŭ Kapienhahienie, a taksama była adznačana pryzam ad Mižnarodnaj fiederacyi kinakrytykaŭ FIPRESCI u Visbadenie.
Ubačyć film možna na fiestyvali biełaruska-ŭkrainskaha kino «1084. Na miažy» i na forumie kino Paŭnočnych i Bałtyjskich krain «Paŭnočnaje źziańnie».
Ciapier čytajuć
«Siłavikam reśpiekt. Siałusie hańba». Bondarava prydumała mianušku dla niaviestki Łukašenki1
Kamientary