«Usie našy pasyły i zvaroty da našych susiedziaŭ — davajcie kanstruktyŭna razmaŭlać, u tym liku i na mihracyjnuju temu, kab znajści vychady z hetaj situacyi, znajści šlachi jaje vyrašeńnia, — zastajucca biez adkazu», — skazaŭ Alaksandr Valfovič u kułuarach sustrečy sakrataroŭ saŭbiezaŭ krain SND, jakaja prachodzić 8 listapada ŭ Maskvie.
Pavodle jaho, choć «ułady Polščy i krain Bałtyi abvinavačvajuć biełaruski bok u stvareńni mihracyjnaha kryzisu», ale za hety hod biełaruskimi pahraničnikami zafiksavana kala 3 tysiač sprob vypravadžeńnia hrup mihrantaŭ z sumiežnaj terytoryi ŭ Biełaruś.
Za hety hod u Biełarusi zafiksavali 38 vypadkaŭ padkidvańnia trupaŭ mihrantaŭ z sumiežnaj terytoryi, śćviardžaje Alaksandr Valfovič.
«My adkryty da dyjałohu pa ŭsich pytańniach. Ale našy zvaroty i pa linii pahranviedamstvaŭ, i pa linii Ministerstva zamiežnych spraŭ zastajucca biez adkazu: našy susiedzi (nie narody, narody Polščy i Prybałtyki z zadavalnieńniem jeduć u Biełaruś), kiraŭnictva hetych krain prosta nie choča iści pa šlachu vyrašeńnia ŭsich pytańniaŭ u kanstruktyŭnym rečyščy», — zajaviŭ dziaržsakratar Rady biaśpieki.
Čytajcie taksama:
Łukašenka zajaviŭ, što ŭpeŭnieny ŭ adnaŭleńni adnosin ź Litvoj i Polščaj
Litoŭskija pamiežniki ŭžo vośmy dzień nie sustrakajuć mihrantaŭ z boku Biełarusi
