Vydańnie Abw.by paviedamiła, što spyniaje isnavańnie. Adbyłosia heta praz 11 dzion paśla taho, jak stała viadoma pra zatrymańnie dyrektara partała Vitalija Palakova. Historyja vydańnia naličvaje 30 hod i maje niamała cikavych momantaŭ.
Pieršy numar pryvatnaj haziety «Aŭtabiznes-Weekly» vyjšaŭ 11 lutaha 1993 hoda. Ideju padhledzieli ŭ Polščy. Biełaruskaja hazieta z pryvatnymi abjavami źjaviłasia dzieści na paŭhoda raniej, čym na da nas pryjšła rasijskaja «Iz ruk v ruki».
U samyja «tłustyja» hady tyraž «Aŭtabiznesu» dasiahaŭ 45 000 asobnikaŭ, a numar nie załaziŭ u paštovuju skryniu. 128 pałos — heta była adna z samych puchłych haziet Biełarusi.
Supracoŭniki partała zhadvali, što ŭ dainternetaŭskija časy «pierakupy» sprabavali padkupać žurnalistaŭ: u rasparadžeńni hazietčykaŭ była infarmacyja, jakaja sapraŭdy kaštavała hrošaj, bo chto pieršy telefanavaŭ pa abjavie, toj mašynu i kuplaŭ.
U 1994 hodzie ŭ haziety źjaviłasia «dačka» — časopis «ABS», jaki isnavaŭ da 2008-ha.
Hazieta pratrymałasia na dziesiać hadoŭ bolš, apošni drukavany numar vyjšaŭ u śniežni 2018 hoda. Redakcyja tłumačyła zakryćcio papiarovaj viersii tym, što praz technałahičny prahres papiarovyja vydańni pierastavali być krynicaj infarmacyi. Z taho času redakcyja praciahvała paśpiachova pracavać u anłajn-farmacie.
Sam internet-partał abw.by źjaviŭsia z pačatku 2006 hoda.
U kancy 1990-ch žurnalisty vydańnia pačali jeździć na zamiežnyja aŭtasałony i navat dabirałasia da palihonaŭ u Finlandyi, dzie pravodzilisia vyprabavańni šyn Nokian.
«Aŭtabiznes», aproč navin, publikavaŭ repartažy z vandrovak pa krainie i z-za miažy, pravodziŭ test-drajvy. Pra adzin ź ich žurnalisty ŭspaminali z nahody jubileju.
Na test uziali UAZ i vypadkova z krutoha karjera źjechali na im u voziera. Piaredniaja častka mašyny apynułasia pad vadoj, a markietołaha, kab supakoić, zapeŭnivali, što tak vyhladaje zvyčajny test-drajv.
«Hadziny za dźvie vyciahnuli UAZ, prasušyli. Źlili ź jaho vadu. A UAZ — staroha ŭzoru, tam parałon tolki na siadzieńniach, na padłozie — humovyja dyvany i hoły mietał. Trochi tancaŭ z bubnami — UAZ zavioŭsia i pajechaŭ. Addavali my jaho strohamu niejkamu načalniku i ŭ hrafie «defiekty» sumlenna zapisali: mokryja siadzieńni», — raspaviadaŭ adzin z redaktaroŭ.
Byli i viasiołyja ekśpierymienty: naprykład, žurnalisty testavali srodki ad pachmiella i zamiarali vynik na ałkatestary.
Niahledziačy na toje, što redakcyja znachodziłsia ŭ Minsku, partał mieŭ niekalki žurnalistaŭ, jakija pracavali ź inšych haradoŭ.
Darečy, heta mienavit «Aŭtabiznes» dastaviŭ z Bresta ŭ Minsk hihancki harbuz vahoj kala 500 kiłahram.
Aficyjnaj pryčynaj, čamu «Aŭtabiznes» spyniaje svajo isnavańnie, ułaśniki partała nazvali toje, što jašče z pačatkam pandemii i nastupnymi ekanamičnymi sankcyjami pradpryjemstva stała stratnym.
Taksama ŭ zvarocie da čytačoŭ zasnavalniki TAA «Bonustorh» (jurydyčnaja asoba, jakaja vałodaje partałam) pasprabavali apraŭdacca za pryjom na pracu zatrymanaha ŭ kancy kastryčnika dyrektara partała, jaki paśpieŭ adpracavać u ich krychu bolš za miesiac i znachodziŭsia jašče na vyprabavalnym terminie.
Nahadajem, Vitalija Palakova siłaviki vinavacili va ŭdziele ŭ pratestach i pakidańni niehatyŭnych kamientaryjaŭ. U kancy dopisu pad videa z Palakovym, HUBAZiK pahražaŭ ułaśnikam biznesu, jakija na toj momant znachodzilisia ŭ adpačynku. Siłaviki ździekliva napisali, što tyja musiać «rychtavacca, bo siły im chutka spatrebiacca».
Aŭtamabilny partał upieršyniu paciarpieŭ ad siłavikoŭ u červieni 2022 hoda. Tady byli zatrymanyja hałoŭnaja redaktarka Julija Mudreŭskaja, redaktar śpiecprajektaŭ Juryj Hładčuk i vypuskajučy redaktar Vadzim Ziankievič. Kali siłaviki darvalisia da instahram-akaŭnta vydańnia, jany vykłali tam dopis sa źjedlivym tekstam.
«Toj vypadak, kali tvaja kantorka tvaryła dzič i žorstka nahniatała situacyju ŭ krainie ŭ dni pratestaŭ, paśla čaho sprabavała začyścicca, ale niešta pajšło nie tak. Usio tolki pačynajecca, ABV, jakija ž vy dvudušnyja…» — pisali siłaviki.
Pad «nahniatańniem» jany mieli na ŭvazie abjektyŭnaje aśviatleńnie padziej, jakija adbyvalisia ŭ toj čas. Pakolki ad dziejańniaŭ siłavikoŭ ciarpieli aŭtamabili, kiroŭcy i matacyklisty, «Aŭtabiznes» pisaŭ pra heta.
Ziankieviču dali 13 sutak. Na Mudreŭskuju i Hładčuka zaviali kryminalnyja spravy. Julii prysudzili paŭtara hoda kałonii (abvinavacili pa artykule 342 KK, «arhanizacyja ci padrychtoŭka dziejańniaŭ, jakija hruba parušajuć hramadski paradak, abo ŭdzieł u ich»), a Juryju — dva z pałovaj (toj ža artykuł 342, a taksama 368 — abraza Łukašenki).
Aproč sajta, u aŭtamabilnaha partała byli raźvityja akaŭnty ŭ sacyjalnych sietkach i jutubie. Jutub-kanał «Aŭtabiznesu» maje bolš za 30 tysiač padpisčykaŭ, instahram-akaŭnt — bolš za 50 tysiač.
Adznačym, što partał abw.by zastavaŭsia adnym ź niešmatlikich resursaŭ u Biełarusi, dzie da hetaha času možna było pakidać kamientaryi pad artykułami. Niahledziačy na toje, što sajt byŭ vuzkaśpiecyjalizavany, pa kamientaryjach možna było zrazumieć, jakija nastroi panujuć u biełaruskim hramadstvie. Praŭda, paśla publikacyi raźvitalnaha artykuła takaja mahčymaść źnikła.
Bajpoł nazvaŭ imiony mahčymych zabojcaŭ Andreja Zielcara. I zajaviŭ, što siłavika «Nirvanu» zastreliŭ svoj ža6
Kamientary
Zadołbali, pozakryvali vsio nužnoje i intieriesnoje, ostaviv machrovyj, truchlavyj, prosročiennyj sovok i rośsijskuju žiełtuchu russkoho mira.