Hubiernatar Prymorja raskazaŭ, jak razam z Łukašenkam sprabavaŭ ažanić Ramana Pratasieviča z Safijaj Sapiehaj
Hubiernatar rasijskaha Prymorskaha kraju Aleh Kažamiaka raskazaŭ, što nibyta razam z Łukašenkam prapanoŭvaŭ Safii Sapiezie pabracca šlubam z Ramanam Pratasievičam. Maŭlaŭ, była ideja spačatku ich pažanić, a paśla pamiłavać, ale Pratasievič admoviŭsia ad hetaj prapanovy.
«Ja razmaŭlaŭ z hetaj dziaŭčynkaj (Sapiehaj), jakuju dapamahli vyciahnuć z turmy, jakija byli ŭ jaje mety. Prosta zakachałasia ŭ chłopca hetaha (Pratasieviča). Jon jaje kinuŭ.
Ja z Alaksandram Ryhoravičam (Łukašenkam) razmaŭlaŭ, my prapanavali im ažanicca i vypuścić ich, ale jon (Pratasievič) ad jaje admoviŭsia. Ciapier jana pierachryściłasia, dziakuj bohu, žyvie z baćkami, i ŭsio ŭ jaje dobra», — skazaŭ Kažamiaka na pasiadžeńni Mižnarodnaha moładzievaha dyskusijnaha kłuba «Cichaakijanski haryzont» u dalokaŭschodnim Fiederalnym univiersitecie ŭ piatnicu.
Safija Sapieha, jakaja była administratarkaj «Čornaj knihi Biełarusi», była zatrymanaja razam z adnym z zasnavalnikaŭ telehram-kanała Nexta Ramanam Pratasievičam u traŭni 2021 hoda paśla prymusovaj pasadki samalota avijakampanii Ryanair u minskim aeraporcie. Pratasieviča ŭrešcie asudzili na 8 hadoŭ źniavoleńnia, a Sapiehu — na 6. Aboje supracoŭničali sa śledstvam i byli ŭ siaredzinie 2023 hoda pamiłavanyja. Zabirać hramadzianku Rasii Safiju Sapiehu z Homielskaj žanočaj kałonii pryjazdžaŭ asabista Aleh Kažamiaka, bo jana pachodzić z Prymorskaha kraju.
Ramantyčnyja adnosiny pamiž Pratasievičam i Sapiehaj raspalisia nieŭzabavie paśla aryštu, a ŭ traŭni 2022 hoda Pratasievič zajaviŭ, što ŭžo žanaty ź inšaj žančynaj.
Ciapier čytajuć
«Pajšli nach*j vy i vaš «Baćka», pi***asy!» Pjanyja pryhody zrabili armianina Jarvanda palitviaźniem. Ciapier jon zmahajecca z prablemami ŭ Polščy1
Kamientary