Fota: telehram-kanał «Borisov, Žodino, Krupki | Novosti»
Bitva pačałasia ź pierastrełki pamiž lohkaj piachotaj, zatym na pole vyjšli asnoŭnyja siły napaleonaŭskaj armii i zaviazaŭsia ŭparty boj. Z saboj na rekanstrukcyju boju artylerysty pryvieźli harmaty ŭzoru 1812 hoda.
Siarod rekanstruktaraŭ možna było pabačyć i žančyn. Niechta ŭdzielničaŭ u vajennych batalijach, a niechta zabiaśpiečvaŭ naviedvalnikaŭ i ŭdzielnikaŭ šou, u tym liku ŭ vobrazie markitantak, usim nieabchodnym u «tyle».
A siarod haściej byli zaŭvažany navat hramadzianie afrykanskaj Hany.
Z 14 (26) pa 17 (29) listapada 1812 hoda pamiž francuzskimi karpusami i rasijskimi vojskami Čyčahava i Vithienštejna adbyłasia sieryja bajoŭ na abodvuch bierahach raki Biareziny ŭ rajonie vioski Studzionka Barysaŭskaha rajon. U hety čas armija Napaleona sprabavała pierapravicca cieraz raku. Francuzskaja armija była ŭ vyniku całkam razhromlena, ale sam Napaleon paźbieh pałonu i zmoh ź jadrom svajoj hvardyi vyrvacca z rasijskaha akružeńnia. Bitva pakinuła mocny adbitak u hramadskaj śviadomaści francuzaŭ, jakija da hetaha času ŭžyvajuć słova «Biarezina».
Fota: telehram-kanał «Borisov, Žodino, Krupki | Novosti»
«Naša Niva» — krynica jakasnaj infarmacyi i bastyjon biełaruščyny
PADTRYMAĆ «NN»
Čuvak zrabiŭ karjeru padčas respubliki i zrabiŭ siabie impierataram, chacha, kłaśsik chistori ŭ styli Julija Cezara. Bałada staraja jak hety śviet. Niechapała jamu jašče zajmacca prablemami narodaŭ uschodniaj Jeŭropy. Mnie śmiešna, jak patryjoty ź jaho lepiać hieroja-vyzvaliciela