Biełarusy naźbirali pa 100 jeŭra na kožnaje dzicia palitviaźniaŭ
Niekalki dzion tamu Fond salidarnaści «Bajsoł» adkryŭ kaladny zbor dla dziaciej, čyje baćki apynulisia ŭ turmie pa palityčnych matyvach. Płanavałasia sabrać 20 000 jeŭra: pa 100 jeŭra na kožnaje dzicia.
«U mnohich biełaruskich dzietak chtości z baćkoŭ (a časam i abodva) u hety čas znachodzicca za kratami pa palityčnych matyvach. Mnohija siemji vymušanyja buduć sustrakać navahodnija śviaty ŭ čužoj krainie, u rastańni, nie majučy mahčymaści zrabić tradycyjnyja padarunki rodnym. Dla nas, Biełaruskaha fonda salidarnaści «Bajsoł», važna, kab u hetyja časy ŭ siemjach palitźniavolenych śviata adbyłosia niahledziačy ni na što», — tłumačyli aŭtary inicyjatyvy ideju zboru.
Siońnia stała viadoma, što nieabchodnaja suma sabranaja. Pa stanie na 14:45 sabrana 20 028 jeŭra, i zbor praciahvajecca.
U «Bajsoł» dadajuć, što kali vy rodny palitźniavolenaha albo vyzvaleny palitźniavoleny, dla atrymańnia dapamohi zapoŭnicie hetuju zajaŭku da 9 śniežnia ŭklučna.
Ciapier čytajuć
Los syna prapahandysta sa «Sputnika», jaki pryjšoŭ da biełaruščyny padletkam, vyklikaŭ buru emocyj u jaho siabroŭ2
Los syna prapahandysta sa «Sputnika», jaki pryjšoŭ da biełaruščyny padletkam, vyklikaŭ buru emocyj u jaho siabroŭ
Topavy pierakładčyk pajechaŭ u Biełaruś mianiać pašpart — i sieŭ za danaty. «KDB pahladzieŭ na sumu i vyrašyŭ, što nichto ŭ zdarovym rozumie nie moža vydatkavać stolki ŭłasnych hrošaj»1414
Kamientary