Zatrymali homielskaha studenta, jaki ładziŭ biełaruskija imprezy
U Homieli zatrymali studenta Kastusia Tenca, jaki vučycca ŭ Biełaruskim dziaržaŭnym univiersitecie transpartu. Pra heta pravaabaroncam paviedamili adnakurśniki Kastusia, piša «Paleskaja viasna».
Zatrymańnie, imavierna, adbyłosia 8 śniežnia. Pryčyny jaho na hety čas nieviadomyja. Pry hetym užo paśla zatrymańnia chłopca niechta zachodziŭ na jahonuju staronku ŭ sacyjalnaj sietcy UKantakcie.
Kastuś Tenc rodam z Rečycy. Jašče ŭ dziacinstvie jon byŭ viadomy svaimi pieramohami ŭ roznych vidach sportu. U 2019 hodzie zacikaviŭsia biełaruskaj movaj, naviedvaŭ kursy Mova Nanova ŭ Rečycy, pierajšoŭ na biełaruskuju movu i sam. Paśla pastupiŭ u BiełDUT.
Jak raskazali adnakurśniki Kastusia, jon časta va ŭniviersitecie ładziŭ roznyja akcyi dla prapahandy biełaruskaj movy — viktaryny, dyskateki ź biełaruskamoŭnymi pieśniami, ekskursii ŭ admietnyja biełaruskija miescy i ŭ rodnyja miaściny vybitnych biełaruskich dziejačaŭ.
U vieraśni, pavodle apoviedu adnakurśnikaŭ, Kastuś arhanizavaŭ va ŭniviersitecie Tydzień biełaruskaj movy. Tady na vialikim ekranie na ŭvachodzie ŭ korpus demanstravałasia afiša, što prachodzić hety tydzień, a ŭsich studentaŭ u chole sustrakaŭ Kastuś z zadańniami pa biełaruskaj prafiesijnaj leksicy kožnaha fakulteta.
Usie mierapryjemstvy ŭzhadnialisia ažno z dvuma prarektarami — pa vychavaŭčaj rabocie i pa biaśpiecy.
Ciapier čytajuć
«Vielmi dobra razumieju biełaruskuju movu. Navat nie dumaŭ». Źjaviłasia VIDEA razmovy biełaruskich palitviaźniaŭ ź Zialenskim12
«Vielmi dobra razumieju biełaruskuju movu. Navat nie dumaŭ». Źjaviłasia VIDEA razmovy biełaruskich palitviaźniaŭ ź Zialenskim
Babaryka i Kaleśnikava pahavaryli ź Inhaj Ruhinienie i zaklikali Litvu «dałučycca da dypłamatyčnych namahańniaŭ ZŠA» i «nie prapuścić akno mahčymaściej»3333
Kamientary