Padčas zvarotu da litoŭskaha naroda ŭ chodzie vizitu ŭ Vilniu 10 studzienia prezident Ukrainy Uładzimir Zialenski siarod inšaha zhadaŭ i pra Biełaruś dy pra jaje šancy zdabyć svabodu.
«Ciapier, kali Maskva sprabuje viarnuć svaju staruju impieryju ŭsim śpiektram sučasnaj zbroi, naša ŭkrainskaja śmiełaść — heta taksama i vam dapamoha. Naša z vami adzinstva — heta taksama i vam harantyja biaśpieki. Stojkaść našych voinaŭ — heta taksama i vaša stojkaść.
I naša ŭkrainskaje pradčuvańnie, što Rasija nie vytrymaje, kali praciahvać bić jaje. Heta taksama paćviardžeńnie našaj z vami racyi. Słušnaści našaha ahulnaha histaryčnaha vybaru, vybaru być niezaležnymi», — skazaŭ Zialenski, źviartajučysia da litoŭskaha naroda padčas svajho siońniašniaha vizitu ŭ Vilniu.
Jon adznačyŭ, što kali ŭsie, chto prahnie svabody, dapamahajuć adzin adnamu, to svaboda kožnaha vyjhraje.
«Hetaje praviła nieadnarazova spracavała ŭ historyi, spracuje i ciapier dla ŭsich nas… Lubaja impieryja budujecca na pieršych abłomkach paśla vyznačalnaj parazy svabody, i zachop Ukrainy treba Maskvie mienavita dla hetaha.
Ale my razam mianiajem historyju da lepšaha. Nie budzie takoha dnia paśla Ukrainy. Budzie dzień paśla vajny, budzie dzień paśla Pucina.
I heta budzie dzień našaj biaśpieki i harantavanaj vašaj nieparušnaj svabody, mirnaha žyćcia Litvy, Estonii, Łatvii, Finlandyi, Šviecyi, usich dziaržaŭ, čyj los Rasija ciapier sprabuje trymać u sumnievach. Heta budzie dzień novaha šancu dla Biełarusi, šancu, jakoha Biełaruś zasłuhoŭvaje», — zajaviŭ Zialenski.
@nashaniva Zialenski raskazaŭ, kali ŭ Biełarusi źjavicca šans #biełaruś #biełaruskajamova #biłoruśukrajina #biłoruś #ukraina #zielenskijpriezidient #mova #biełaruś #navinybiełarusi #novostibiełarusi #łukašienko #biełaruśnovosti ♬ Słava našim ZSU - Jarosłava Rudienko Čytajcie taksama:
«Nijakaha cisku ad partnioraŭ adnosna spynieńnia našaj abarony niama» — Zialenski ŭ Vilni
Jak padčas vajny padarožničaje Zialenski, kali samalotam z Kijeva nie vyleciš?
Paśla danosu Bondaravaj raptoŭna admianili vystavu ŭ muziei Janki Kupały. Ciapier jana patrabuje na muziei šyldy pa-rusku29
Paśla danosu Bondaravaj raptoŭna admianili vystavu ŭ muziei Janki Kupały. Ciapier jana patrabuje na muziei šyldy pa-rusku
«Možna ŭziać aŭtamat i pierasiekčy miažu?» Pavuk spytaŭ u pamiežnikaŭ, ci zakonna rasijskija vojski ŭ 2022 hodzie pierajšli biełaruska-ŭkrainskuju miažu55
Kamientary