Adnačasova admianiajucca ahrarny zbor, zbor z karystalnikaŭ za parkoŭku i niekatoryja inšyja padatki.
Staŭka padatku na dadadzienuju vartaść u Biełarusi 1 studzienia 2010 hoda pavialičvajecca z 18% da 20%. Heta praduhledžana Asablivaj častkaj Padatkovaha kodeksa, jakaja taksama nabyła moc z pačatku hoda.
Jak ličać u kiraŭnictvie Ministerstva finansaŭ, pavyšeńnie staŭki PDV z 18% da 20% nie vykliča rostu cen. Da takoha mierkavańnia pryjšli nie tolki ŭ Minfinie, ale i ŭ Minekanomiki.
U Minfinie adznačajuć, što naroŭni z pavieličeńniem staŭki PDV z 2010 hoda admianiajucca čatyry padatkovyja płaciažy: zbor u respublikanski fond padtrymki vytvorcaŭ sielhaspradukcyi, charčavańnia i ahrarnaj navuki, a taksama padatak na nabyćcio aŭtatranspartnych srodkaŭ, miascovy padatak z prodažu tavaraŭ roźničnaha handlu, miascovy zbor z karystalnikaŭ za parkoŭku. U vyniku, pavodle acenak Minfina, padatkovaja nahruzka źmianšajecca na 0,45% da VUP, a ŭ rasparadžeńni pradpryjemstvaŭ zastaniecca dadatkova 780 młrd. rubloŭ.
Aprača hetaha praduhledžany peŭnyja źmianieńni ŭ častcy vypłaty PDV. Naprykład, pradpryjemstvy z hadavym abjomam vyručki nie bolš za 3,8 młrd. rubloŭ zmohuć vybrać terminy vypłaty PDV: štokvartalna ci štomiesiac, jak ciapier.
Pavodle acenak Minfina, skarystacca pravam na štokvartalnuju vypłatu PDV zmohuć bolš za 60% ahulnaj kolkaści płacielščykaŭ hetaha padatku.
Akramia taho, praduhledžvajecca skaracić z adnaho miesiaca da piaci dzion termin viartańnia PDV. Heta dazvolić pradpryjemstvam bolš apieratyŭna zadavalniać svaju patrebnaść u finansavych srodkach. Sprościcca i paradak ažyćciaŭleńnia padatkovych vyličeńniaŭ pa PDV.
