Bolš u hetym artykule čytać niama čaho, akramia mnoj pryviedzienaj cytaty. Jana aznačaje, što pašpart na PMŽ afarmlajecca vyklučna ŭ RB u vašym ROVD. Tam, nakolki ja pamiataju, daduć biahunok z mo 20-30 punktami dziarž ustanoŭ, jakija treba prabiehčy i atrymać ich podpisy i piačatki, maŭlaŭ, vy im ničoha nie pavinny. To bok prapanova DW nierealnaja abo kazka pra bčb byčka.

###

Biełaruskuju piensiju ja nie afarmlaŭ užo 12 hadoŭ z hakam. Jana niedzie tam pylicca z 2011 hoda, kali mnie spoŭniłasia 60 hadoŭ, na palicach adpaviednaha Ministerstva piensij dla źjechaŭšych u zamiežža. Ja ž u Amierycy praciahvaŭ pracavać i vyjšaŭ na piensiju ŭ 69,5 hod u mai 2021-ha.

U Biełarusi staž byŭ 31 hod z hakam, u Amierycy - 16. Try hady byŭ nielehałam i nie płaciŭ padatki tamu miascovaja ŭłada try hady nie zaličyła nie zaličyła. 

Piensija pa amierykanskim mierkam nievialičkaja, ale mnie na ŭsio chapaje: na apłatu svajoj adnapakavaj kvatery i kamunalnyja pasłuhi, na internet, ježu i butelku kalifarnijskaha kabierne. Dziakujučy dobraj mied strachoŭcy nahladajuć mianie dva ŭrača, ź jakimi sustrakajusia try razy ŭ hod: habrejka z Ukrainy maja, tak by mović, učastkovy tierapieŭt (raz u paŭhoda mianie bačyć) i prafiesar viadomaha ŭ śviecie Niu Jorkskaha ŭniviera, amierykanski habrej na piać hadoŭ mianie maładziejšy. Dziakujučy apošniamu ja jašče dryhajusia.

U 2006 (?) padčas prezidenckich vybaraŭ la Konsulstva RB u Niu Jorku sustreŭ dziadulu-habreja ź Biełarusi, na puzie jakoha visieŭ płakat-patrabavańnie da Ŭradu RB vypłočvać jamu biełaruskuju piensiju. Ja ź im krychu pahavaryŭ, ale ni ŭ mianie, ni ŭ jaho nie było nadziei na toje, što dziadula atrymaje bieł piensiju. 

Tak što žyvu tolki dziakujučy amierykanskaj piensii i mied dapamohi pa strachoŭcy.