Za apošnija dva tydni ŭ Łatvii zarehistravana dzieviać vypadkaŭ hiepatytu A, što značna pieravyšaje prahnazavanuju kolkaść vypadkaŭ za adpaviedny pieryjad času, paviedamili Delfi.lv u centry prafiłaktyki i kantrolu zachvorvańniaŭ.
Pavodle źviestak centra, usie vypadki hiepatytu A źviazanyja z pajezdkami ŭ inšyja krainy, u tym liku šeść čałaviek zarazilisia hiepatytam A paśla naviedvańnia Biełarusi, astatnija vypadki źviazanyja z pajezdkami ŭ Maroka, Jehipiet i Zanzibar.
Epidemijołahi SPKC staranna rasśledujuć kožny vypadak hiepatytu A i arhanizujuć nieabchodnyja supraćepidemičnyja mierapryjemstvy dla źnižeńnia ryzyki raspaŭsiudžvańnia infiekcyi.
Zaraz hiepatyt A źjaŭlajecca redkim infiekcyjnym zachvorvańniem u Łatvii. U siarednim za apošnija piać hadoŭ u krainie rehistrujecca 22 vypadki ŭ hod — ad 13 da 37 vypadkaŭ u hod. Čaściej za ŭsio ludzi zaražalisia mienavita padčas zamiežnych pajezdak. Pa miery palapšeńnia sanitarna-hihijeničnych umoŭ cyrkulacyja virusa hiepatytu A ŭ Łatvii praktyčna spyniłasia, adnak pa hetaj pryčynie značnaja častka nasielnictva (u asnoŭnym dzieci, moładź i ludzi siaredniaha ŭzrostu) nie majuć imunitetu da hiepatytu A.
Bondarava abrynułasia na muziej Janki Kupały i mastaka Sušu31
Kamientary