Rektar Jeŭrapiejskaha humanitarnaha ŭniviersiteta Kšyštaf Rybiński paviedamiŭ pra svajo rašeńnie pakinuć svaju pasadu. Heta, jak vynikaje z razasłanaha im infarmacyjnaha lista, pavinna adbycca 29 lutaha 2024 hoda.
Kšyštaf Rybiński tłumačyć svajo rašeńnie, jakoje «pryjšło paśla doŭhich razvažańniaŭ», «nieabchodnaściu zasiarodzicca na nadzionnych prablemach sa zdaroŭjem, jak asabistych, tak i ŭ majoj siamji».
Kažučy pra svaje dasiahnieńni na pasadzie, jon adznačaje, što pry im palepšyłasia finansavaja baza ŭniviersiteta:
«Razam nam atrymałasia zabiaśpiečyć značnaje pavieličeńnie finansavańnia, sabraŭšy 4 miljony jeŭra dla metavaha fondu, 2,5 młn jeŭra na biahučyja i novyja prajekty i dadatkovyja 0,5 młn jeŭra zajavak, rašeńni pa jakich čakajucca viasnoj».
Taksama jon ličyć istotnaj akredytacyju dźviuch novych prahram pa historyi i ekanomicy, što «źjaŭlajecca śviedčańniem našych akademičnych inavacyj».
Rašeńnie pajści ŭ adstaŭku było, pavodle Rybińskaha, «pryniata ź ciažkim sercam, ale taksama ź pierakanańniem, što heta patrebna ŭ intaresach majho zdaroŭja i zdaroŭja majoj siamji». Pry hetym EHU «zajmaje asablivaje miesca ŭ maim sercy, i ja ź nieciarpieńniem čakaju jaho dalejšych pośpiechaŭ u budučyni».
Vydatny polski ekanamist Kšyštaf Rybiński byŭ rektaram EHU zusim niadoŭha, jaho abrali na hetu pasadu ŭsiaho hod tamu, u pačatku 2023 hoda. Pierad tym jon uznačalvaŭ ekanamičny ŭniviersitet u Kazachstanie, a taksama byŭ vice-prezidentam Nacbanka Polščy.
Čytajcie taksama:
Rektar EHU prakamientavaŭ infarmacyju pra mahčymaje pryznańnie ŭniviersiteta «ekstremisckim»
-
Što viadoma pra siamju z Baranavičaŭ, u jakoj i mužu, i žoncy dali vielizarnyja terminy za «zdradu dziaržavie»
-
Troch čałaviek, zatrymanych pa spravie ab «padrychtoŭcy teraktaŭ», pačnuć sudzić u kastryčniku
-
«Za kožnaj pryhožaj karcinkaj staić vialikaja praca». Biełaruska raskazała, jak źniałasia ŭ modnym časopisie Vogue
Što viadoma pra siamju z Baranavičaŭ, u jakoj i mužu, i žoncy dali vielizarnyja terminy za «zdradu dziaržavie»4
Kamientary