Biełarus vioz ź Litvy niezvyčajnuju harbatu i zaraz moža sieści na siem hadoŭ
8 lutaha ź Litvy praz punkt propusku «Katłoŭka» jechaŭ aŭtamabil. Padčas ahladu bahažnika słužbovy sabaka ŭniuchaŭ ŭpakoŭku harbaty.
Mužčyna rastłumačyŭ, što nabyŭ ziołkavuju harbatu ŭ Litvie. Dziaržpahrankamitet pakazaŭ videa, na jakim čutnaja razmova z kiroŭcam.
«Ničoha zabaronienaha, abmiežavanaha?» — pytajecca pamiežnica pierad ahladam aŭto. «Dy niby ničoha», — adkazvaje kiroŭca.
U hety momant z bahažnika dastajuć upakoŭku harbaty. «Harbata. Mnie kazali, mohuć być pytańni, — kaža mužčyna i sprabuje śmiajacca. — Kupiŭ u praduktovaj kramie».
«Usio, mašynu ŭ bok», — kamanduje pamiežnik.
Rečyva kanfiskavali dla ekśpiertyzy. U DPK nahadali, što za niezakonnaje pieramiaščeńnie praź miažu narkatyčnych srodkaŭ, psichatropnych rečyvaŭ, ich prekursoraŭ i anałahaŭ pahražaje kryminalnaja adkaznaść u vyhladzie abmiežavańnia voli na termin da čatyroch hadoŭ abo pazbaŭleńnie voli ad troch da siami hadoŭ.
Hetu harbatu ŭvozić nielha: Relax su kanapiu lapais, žolynelis, kanapiu ir piipirmečiu lapai.
Niadaŭna na jaje pieravozcy praz «Kamienny Łoh» trapiŭsia litoviec. Pakiety byli nakiravany na ekśpiertyzu. Ekśpierty ŭstanavili, što sumieś unutry harbaty ŭtrymlivaje ŭ svaim składzie častki raślin rodu Cannabis, jakija źjaŭlajucca marychuanaj.
U šerahu jeŭrapiejskich krain aficyjna dazvoleny prodaž harbaty, šakaładu, ałkaholu i inšych praduktaŭ, jakija ŭtrymlivajuć u svaim składzie častki raślin rodu kanopli (Cannabis), ale ŭvoz takich tavaraŭ zabaronieny na mytnuju terytoryju JEAES. Zaŭsiody varta być uvažlivymi pry kupli padobnych suvieniraŭ za miažoj. Nieabchodna źviartać uvahu na skład praduktu, jaki nabyvajecie, malunak na pakavańni. U advarotnym vypadku možna trapić pad kryminalny artykuł.
Łukašenku stała drenna na samicie ŠAS u Kazachstanie — Dožd́16
Kamientary