Biełaruskija plažnyja futbalisty vyjšli ŭ čverćfinał čempijanata śvietu
Biełaruskaja zbornaja pa plažnym futbole ŭ trecim matčy hrupavoha etapu čempijanatu śvietu razhramiła debiutantaŭ turniru kamandu Kałumbii ź likam 4:1. Pakolki dźvie raniejšyja hulni, ź sieniehalcami i japoncami, biełarusy taksama vyjhrali, to jany vyjšli ŭ čverćfinał, zaniaŭšy pieršaje miesca ŭ hrupie C.
Nastupnaja hulnia zbornaj Biełarusi, jakaja budzie pravodzicca ŭžo pa sistemie płej-of, adbudziecca 22 lutaha, u 1/4 finału.
Supiernikam budzie zbornaja Partuhalii — trochrazovyja čempijony śvietu (pačatak a 16:00).
Turnir prachodzić u Abjadnanych Arabskich Emiratach z 15 pa 25 lutaha, u im udzielničajuć 16 kamand.
Plažny futboł jak vid sportu źjaviŭsia na plažach Rya-de-Žaniejra, a čempijanaty śvietu pravodziacca z 1995 hoda. Spačatku jany prachodzili štohod pad ehidaj Beach Soccer Worldwide, a z 2005 hoda pravodziacca pad apiekaj FIFA (Mižnarodnaj fiederacyi futboła).
Pryčym z 2009 hoda — raz na dva hady. Brazilija 14 razoŭ stanaviłasia pieramožcam, Partuhalija i Rasija pa try razy, Francyja adzin raz.
Zbornaja Biełarusi brała ŭdzieł u čempijanatach dvojčy: u 2019 i 2021 hadach. Tady jana zajmała treciaje miesca ŭ hrupie, i, naturalna, nie prabivałasia ŭ płej-of.
Čytajcie taksama:
Siońnia zbornaja Biełarusi biare start u dosyć ekzatyčnym dla našych krajoŭ vidzie sportu
Pamior aŭtar pieramožnaha hoła ŭ finale ČS-1990 Andreas Bremie
-
Partuhalski futbalist, jaki zahinuŭ u aŭtakatastrofie, pajechaŭ mašynaj, bo lacieć samalotam zabaranili daktary
-
Nazvana pryčyna aŭtakatastrofy, u jakoj zahinuli Dyjohu Žota i jaho brat
-
Forvard zbornaj Partuhalii i «Livierpula» Dyjohu Žota zahinuŭ u aŭtakatastrofie praź niekalki dzion paśla svajho viasiella
Kamientary