Upłyŭ mahutnaha cykłona Daisy na nadvor`ie ŭ Biełarusi akazaŭsia słabiejšym za prahnazavany, paviedamili ŭ Respublikanskim hidramieteacentry.
U noč na 10 studzienia paryvy vietru da štarmavych značeńniaŭ (15 m/s) adznačalisia tolki ŭ Babrujsku (Mahiloŭskaja vobłaść), Akciabrskim (Homielskaja) i Baranavičach (Bresckaja). Dniom u niadzielu viecier krychu ŭzmacniŭsia (da 16 m/s u Babrujsku).
Za dzień 9 studzienia i noč 10 studzienia najbolšaja kolkaść apadkaŭ vypała na ŭschodzie Mahiloŭskaj i Homielskaj abłaściej — 8—11 mm, što składaje ad 22% da 29% miesiačnaj normy. U Minsku za sutki vypała 2,2 mm apadkaŭ (5% studzieńskaj normy).
U toj ža čas adznačaŭsia značny kantrast načnych tempieratur:
ad minus 2—3 hradusaŭ na poŭdni Homielskaj vobłaści da 18 hradusaŭ marozu na poŭnačy Viciebskaj.
Abryvaŭ linij elektrapieradačy ŭ suviazi ź niepahadździu nie zafiksavana, paviedamili ŭ MNS.
Miž tym śniehapady ŭ Jeŭropie pryviali da parušeńnia transpartnych znosinaŭ, uklučajučy pavietranyja. U najbujniejšym aeraporcie kantynienta ŭ Frankfurcie-na-Majnie admienieny sotni rejsaŭ. Niadzielny vylet samalota "Biełavija" ź Minska ŭ hety niamiecki horad byŭ zatrymany na hadzinu.