Pachavańnie Navalnaha ŭłady vyrašyli pravieści ŭ adzin dzień sa zvarotam Pucina
Pachavańnie Alaksieja Navalnaha pryznačany na 29 lutaha. Jaho cieła dastavili ŭ Maskvu ŭčora i zaraz rychtujuć da pachavańnia. Cyrymonija moža prajści na Barysaŭskich ci Chavanskich mohiłkach, piša Mash.
29 lutaha taksama čakajecca zvarot Pucina da Fiederalnaha schodu.
Barysaŭskija mohiłki ličacca adnymi z samych starych u Maskvie. Učastak standartnych pamieraŭ kaštuje tam ad 250 tysiač rubloŭ (2 700 dalaraŭ). Ciapier tam svabodna ŭsiaho 9 miescaŭ za minimum 2,5 miljona rubloŭ (27 000 dalaraŭ).
Chavanskija — adny z najbolš bujnych, košt miesca tam — ad 132 000 rubloŭ (1400 dalaraŭ).
Mienavita tut baćki Navalnaha chacieli pachavać syna.
Ale tam jość miescy tolki dla rodnasnych pachavańniaŭ. Dzie ŭ vyniku buduć chavać — dakładna pakul nieviadoma.
U svaju čarhu paplečnik Navalnaha Ivan Ždanaŭ abvierhnuŭ infarmacyju pra pachavańnie 29 lutaha.
«Usia infarmacyja pra pachavańnie 29 lutaha i na niejkija «našyja kanały pra pachavańnie» — heta fejki. Jak i niejki kanał Julii Navalnaj u TH — taksama fejk», — napisaŭ paplečnik Alaksieja Navalnaha Ivan Ždanaŭ u svaim telehramie-kanale.
Alaksiej Navalny pamior 16 lutaha ŭ VK-3 «Palarny voŭk» — nibyta padčas prahułki jamu stała drenna.
Łukašenka byŭ u Maskvie biez hieorhijeŭskaj stužki. Najaŭnaść abo adsutnaść stužak padzialiła haściej parada na dźvie hrupy10
Łukašenka byŭ u Maskvie biez hieorhijeŭskaj stužki. Najaŭnaść abo adsutnaść stužak padzialiła haściej parada na dźvie hrupy
Doktarku Alenu Mikałajevu padčas vajny adpravili na Vaładarku za dapamohu habrejam — u XXI stahodździ tam ža apyniecca jaje praŭnučka Maryna Zołatava33
Kamientary