Bajden i Tramp pieramahajuć na prajmieryz u Mičyhanie. Ale Bajden straciŭ častku elektaratu z-za pazicyi pa Hazie

Zhodna z prahnozami, prezident Džo Bajden atrymaje ŭpeŭnienuju pieramohu na prajmieryz Demakratyčnaj partyi ŭ Mičyhanie, niahledziačy na toje, što mnohija jaho prychilniki niezadavolenyja pazicyjaj administracyi ŭ dačynieńni da vajny ŭ Hazie, piša Bi-bi-si.

Choć Bajden nabiraje kala 80% hałasoŭ, kolkaść pratesnych «niavyznačanych» hałasoŭ (heta značyć tyja, chto nie padtrymaŭ nivodnaha z kandydataŭ), pierasiahnuła čakańni analitykaŭ.

Jak adznačajuć ekśpierty, sprava ŭ tut hałoŭnym čynam u pazicyi ZŠA pa kanflikcie ŭ Hazie.

ZŠA — hałoŭny sajuźnik Izraila, jaki daje jamu miljardy dalaraŭ vajskovaj dapamohi. U lutym ZŠA ŭžo treci raz nakłali vieta na rezalucyju AAN, jakaja zaklikaje da nieadkładnaha spynieńnia ahniu ŭ Hazie, i prapanavali svoj ułasny prajekt, jaki zaklikaje da časovaha spynieńnia ahniu.

Pazicyja ZŠA aburyła mnohich, u tym liku ŭ Demakratyčnaj partyi, jakija chočuć, kab prezident zaniaŭ bolš žorstkuju pazicyju ŭ dačynieńni da Izraila.

Bajden padziakavaŭ «kožnamu žycharu Mičyhana, jaki siońnia addaŭ svoj hołas».

U svajoj zajavie Bajden nie zhadaŭ tych, chto vyrašyŭ nie padtrymać jaho, adznačyŭ dasiahnieńni svajoj administracyi ŭ štacie i pačaŭ ataku na svajho supiernika Donalda Trampa, jaki taksama, padobna, lohka pieramahaje na respublikanskich prajmieryz u Mičyhanie, jakija prajšli ŭ aŭtorak.

Paśla padliku amal pałovy hałasoŭ demakrataŭ Bajden atrymaŭ 80%, a «niavyznačanyja» — 13%. Pa danych kampanii Edison Research, paśla padliku 58% hałasoŭ respublikancaŭ Tramp atrymaŭ 67%, a jaho adziny kankurent Niki Chejli — 27%.

Vyniki prajmieryz, jakija ŭžo prajšli, pradkazvajuć matč-revanš pamiž Bajdenam i Trampam na prezidenckich vybarach vosieńniu.

Mičyhan ličycca klučavym štatam sa štataŭ, jakija vahajucca: u dvuch apošnich vybarach pieramožca ŭ Mičyhanie ŭ vyniku zajmaŭ pasadu prezidenta.

U štacie pražyvaje bolš za ŭsio arabaŭ-amierykancaŭ, i pazicyja pa Hazie, padobna, kaštavała Bajdenu padtrymki hetaj častki elektaratu.

Heta nie pieršy vypadak, kali značnaja častka žycharoŭ Mičyhana vyrašyła nie hałasavać za kankretnaha kandydata. Kala 19 tysiač čałaviek pastupili tak na prajmieryz 2020 hoda i bolš za 21 tysiaču — u 2016 hodzie. A ŭ 2008 hodzie ich było 238 tysiač — u tym hodzie Barak Abama zaklikaŭ ich hałasavać mienavita tak, pakolki z-za partyjnych roznahałośsiaŭ nie vystaviŭ svaju kandydaturu na prajmieryz u štacie.

Hetym razam udzielniki kampanii źbirajucca pasłać sihnał Bajdenu: niama spynieńnia ahniu — niama i hałasoŭ.

Napiaredadni Bajden vykazaŭ nadzieju, što da paniadziełka ŭ Hazie nastupić paŭza ŭ bajavych dziejańniach: źjavilisia paviedamleńni ab niekatorym prahresie ŭ niepramych pieramovach z udziełam aficyjnych asob Izraila i CHAMAS.

Klučavyja prajmieryz projduć praz tydzień u «Supieraŭtorak», kali hałasavańnie projdzie adrazu ŭ 15 štatach.

• 0
• 1
• 0
• 0
• 0