Prezident Litvy Dala Hrybaŭskajte razhladaje mahčymaść zaprašeńnia na śviatkavańnie 20‑ch uhodkaŭ adnaŭleńnia niezaležnaści krainy prezidentaŭ susiednich dziaržavaŭ, u tym liku Biełarusi.
Pra heta jana zajaviła ŭ intervju Litoŭskamu radyjo. Śviatkavańni adbuducca 11 sakavika.
Aprača taho, Hrybaŭskajte vykazałasia i nakont niavydačy biełaruskim bokam hienierała Uschopčyka, jakoha abvinavačvajuć u arhanizacyi vajskovaj apieracyi suprać mirnaha nasielnictva Litvy ŭ 13 studzienia 1991 hoda.
Prezident Litvy paviedamiła, što pavodle vysnovaŭ prakuratury dziejnaja damova ź Biełaruśsiu nie daje jurydyčnych padstavaŭ dla patrabavańnia ab vydačy Uładzimira Uschopčyka.
«Kali damova nie daje takoj mahčymaści, to čym prakuratura zajmałasia 20 hadoŭ — imitavała pracu? Dasyłała prośby, viedajučy, što hramadzianina pavodle hetaj damovy jaho nie vydaduć?»,‑ zajaviła Hrybaŭskajte ŭ intervju Litoŭskamu radyjo.
Łukašenka i Hrybaŭskajte, Vilnia, 16 vieraśnia 2009 h.,
Fota Julii Daraškievič