«Heta važny precedent, jaki stvoryć mahčymaść rabić padobnaje i ŭ inšych rehijonach Šviecyi», — havoryć siabra Rady Asacyjacyi biełarusaŭ Šviecyi, pradstaŭnik Narodnych Ambasadaŭ Biełarusi ŭ Šviecyi Źmicier Vaserman.
«Praryŭnym źjaŭlajecca toje, što havorka nie idzie pra dadatkovyja fakultatyŭnyja zaniatki. Biełaruskaja mova dla školnikaŭ, u jakich chacia b adzin z baćkoŭ razmaŭlaje pa-biełarusku — sapraŭdny školny pradmiet, za jaki dzieci atrymlivajuć akademičnyja bały, što paźniej buduć zaličvacca pry ŭstupie da himnazii», — raspaviadaje Źmicier Vaserman.
Šlach da stvareńnia takoj mahčymaści byŭ niaprosty: treba było pašyryć tłumačeńnie praviłaŭ i źniać abmiežavańnie pa minimalnaj kolkaści vučniaŭ dla adnoj škoły. Akramia taho, Asacyjacyja biełarusaŭ Šviecyi dapamahła znajści nastaŭnicu biełaruskaj movy, što zjaŭlajecca vyklikam u nievialikaj biełaruskaj dyjaspary ŭ Šviecyi.
«Šviecyja ŭśviedamlaje važnaść zachavańnia nacyjanalnaj identyčnaści biełarusaŭ u jakaści alternatyvy «ruskamu miru», jaki niasie pahrozu ŭsiamu cyvilizavanamu śvietu», — dadaje Źmicier Vaserman.
Čytajcie taksama:
U Vilni źbirajuć zajaŭki ad tych, chto choča addać dziaciej u biełaruskamoŭnyja škoły
![Клас Клас](https://nashaniva.com/images/reactions/reaction-like.png)
![Панылы сорам Панылы сорам](https://nashaniva.com/images/reactions/reaction-facepalm.png)
![Ха-ха Ха-ха](https://nashaniva.com/images/reactions/reaction-smile.png)
![Ого Ого](https://nashaniva.com/images/reactions/reaction-omg.png)
![Сумна Сумна](https://nashaniva.com/images/reactions/reaction-sad.png)
![Абуральна Абуральна](https://nashaniva.com/images/reactions/reaction-anger.png)