Premjer Łatvii pra dopusk biełarusaŭ i rasijan: Rašeńnie ab bajkocie Alimpijady pavinna być pryniata raniej, čym za sutki da adkryćcia
Łatvija choča damahčysia taho, kab spartsmieny hetych krain naohuł byli pazbaŭlenyja ŭdziełu ŭ Alimpijadzie ŭ Paryžy.
Rašeńnie ab bajkocie Alimpijskich hulniaŭ u Paryžy pavinna być pryniata raniej, čym za apošnija 24 hadziny da adkryćcia Alimpijady, zajaviła ŭ intervju Łatvijskamu radyjo premjer-ministr Evika Silinia, piša Delfi.lv.
Jana ličyć, što kali ŭ Alimpijskich hulniach buduć startavać taksama spartoŭcy z Rasii i Biełarusi, rašeńnie ab bajkocie pavinna prymacca sumiesna niekalkimi krainami.
Łatvija ŭžo vykazała svajo mierkavańnie pa hetym pytańni, nahadała premjer.
Na pytańnie ab tym, ci ličyć jana prymalnym, što rašeńnie moža być pryniata i na praciahu apošnich 24 hadzin da adkryćcia Alimpijady, Silinia zajaviła, što heta było b niespraviadliva ŭ adnosinach da spartsmienaŭ, dla jakich udzieł u hulniach źviazana z dadatkovymi vydatkami i płanavańniem času.
«Takoje rašeńnie pavinna być pryniata raniej, ale my prainfarmavanyja ab chodzie dumak Ukrainy, i ciapier znachodzimsia ŭ pieramoŭnym pracesie», — skazała premjer-ministr, nahadaŭšy, što Łatvija ŭžo vykazała svaju pazicyju pa hetym pytańni.
Mižnarodny alimpijski kamitet (MAK) pryniaŭ rašeńnie dazvolić spartsmienam z Rasii i Biełarusi ŭdzielničać u Alimpijskich hulniach u Paryžy ź niejtralnym statusie. Spartoŭcy nie pavinny vystupać pad aficyjnymi ściahami, pavinny jechać u Paryž biez čynoŭnikaŭ, adnaznačna asudzić uvarvańnie Rasii va Ukrainu z udziełam biełaruskaj terytoryi, a taksama adchryścicca ad siłavych viedamstvaŭ (z časoŭ SSSR spartoŭcy prypisanyja da MUS, KDB dy inšych struktur i navat majuć vajskovyja zvańni). Taksama treba paśpieć prajści da Alimpijady, jakaja pačniecca 26 lipienia, patrebnyja kvalifikacyjnyja spabornictvy.
Adnak Łatvija choča damahčysia taho, kab spartoŭcy hetych krain naohuł byli pazbaŭlenyja ŭdziełu ŭ Alimpijadzie. Niekalki łatvijskich spartoŭcaŭ zajavili, što nie buduć udzielničać u Alimpijadzie razam sa spartoŭcami krain-ahresaraŭ.
Łatvija pakul nie vyrašyła, što rabić, kali MAK nie źmienić svaju pazicyju, ale pierad pryniaćciem kančatkovaha rašeńnia čakajecca mierkavańnie Ukrainy pa hetym pytańni.
Ciapier čytajuć
«Jana zabrała dziaciej i viarnułasia ŭ Minsk»: historyja biełarusa, jaki emihravaŭ u Barsiełonu ź siamjoj, a zastaŭsia adzin13
Kamientary