Data-centr Wave House. Fota: cobod.com
Jak piša NewAltas.com, data-centr Wave House u niamieckim Hiejdelbierhu staŭ najbujniejšym u Jeŭropie budynkam, stvoranym z dapamohaj 3D-pryntara.
Z-za typovaj adsutnaści voknaŭ i vialikich prajomaŭ u asnoŭnych zonach centraŭ apracoŭki danych ich budynki vyhladajuć davoli sumna i nienatchnialna, tamu architektary ŭ svaim prajekcie vyrašyli nadać ścienam chvalepadobny dyzajn.
Data-centr Wave House. Fota: cobod.com
Kłasičnyja mietady budaŭnictva nie dazvalali realizavać prajekt, tamu była abrana technałohija 3D-budaŭnictva. Dla hetaha byŭ vykarystany pryntar BOD2 ad kampanii COBOD International PERI. Jon vydavaŭ budaŭničuju sumieś, prydatnuju dla druhasnaj apracoŭki, z chutkaściu 4 kubamietry ŭ hadzinu.
U vyniku budynak płoščaju 600 kv. mietraŭ pamierami 54 mietry ŭdoŭžki, 11 mietraŭ ušyrki i 9 mietraŭ uvyški byŭ pabudavany za 140 hadzin.
Uvieś prajekt, pačynajučy ad budaŭnictva da ŭvodu budynku ŭ ekspłuatacyju, zaniaŭ 7 miesiacaŭ. Adznačajecca, što dla afarboŭvańnia ścienaŭ byŭ vykarystany robat-malar.
Kampanija COBOD zajaŭlaje ab namierach aŭtamatyzacyi jak minimum 50% pracesaŭ na budaŭničych placoŭkach.
Čytajcie jašče:
Biełaruskija navukoŭcy pačali drukavać katlety na 3D-pryntary
U kosmasie na 3D-pryntary nadrukavali častku čałaviečaha cieła
