Kancler Niamieččyny Ołaf Šolc, vystupajučy z uradavaj zajavaj u Bundestahu ŭ sieradu, 20 sakavika, zaklikaŭ nie pieraaceńvać siłu Rasii.
Na dumku Šolca, Rasija nie takaja mocnaja, jak zaraz pryniata dumać. U vajennych adnosinach vajna Rasii va Ukrainie, viadoma, žorstkaja, ale va ŭnutranaj palitycy represiŭnaja rasijskaja sistema demanstruje prykmiety adsutnaści siły, cytuje słovy fiederalnaha kanclera Radyjo Svaboda.
«Kali rasijski prezident dumaje, što ŭ hetaj vajnie jamu treba tolki pačakać, i my dadzim słabinu, to jon pamyliŭsia. My budziem padtrymlivać Ukrainu stolki, kolki treba».
Šolc vykazaŭsia za ŭzmacnieńnie supracoŭnictva ŭ ramkach ES u śfiery vytvorčaści ŭzbrajeńniaŭ. Pavodle jaho słoŭ, nieabchodna pašyreńnie supracoŭnictva ŭ śfiery vajennaj ekanomiki, supracoŭnictva ŭ spravie asnaščeńnia sajuznych krain zbrojaj.
Fiederalny kancler zaklikaŭ deputataŭ da padtrymki rasijskaj apazicyi, jakaja, pavodle jaho słoŭ, «vystupaje za toje, na što nam chočacca spadziavacca, — za toje, što niekali budzie bolš svabodnaja, mirnaja Rasija».
Ołaf Šolc zrabiŭ hetyja zajavy napiaredadni dvuchdzionnaha samitu kiraŭnikoŭ dziaržaŭ i ŭradaŭ krain ES u Brusieli. Na sustrečy budzie iści razmova, u pryvatnaści, ab akazańni padtrymki Ukrainie.
«Jon užo doma». Dačka Ryhora Kastusiova raskazała pra pieršuju hutarku z baćkam paśla vyzvaleńnia1
«Jon užo doma». Dačka Ryhora Kastusiova raskazała pra pieršuju hutarku z baćkam paśla vyzvaleńnia
Rasiejskaja armija rychtuje novy ŭdar pa ŭkrainskaj abaronie — navat bolš mahutny, čym šturm Aŭdziejeŭki13
Kamientary
łžiec i trus.. omierzitielno.