Biełaruski majstar pokieru znoŭ vyjhraŭ na turniry bolš za miljon dalaraŭ
Turnir $100,000 Short Deck Ante Only prachodziŭ 20-21 sakavika ŭ paŭdniovakarejskim horadzie Čedžu, piša vydańnie «Biełaruś i śviet». U im uziali ŭdzieł 34 hulcy, kožny zrabiŭ ustupny ŭniosak u 100 tysiač dalaraŭ. U vyniku pryzavy fond skłaŭ 3,4 miljona dalaraŭ, jaki pavinny byli padzialić ŭ finale tolki šeść pakierystaŭ. Samuju bujnuju sumu — 1 153 000 miljonaŭ dalaraŭ — atrymaŭ uradženiec biełaruskaha Mazyra Mikita Badziakoŭski, jaki zaniaŭ pieršaje miesca.
Ciapierašniaja pieramoha vyvieła mazyranina na šostaje miesca ŭ śviecie pa sukupnym vyjhryšy ŭ žyvym pokiery ŭ rejtynhu sajta thehendonmob. com. Ahulnaja suma jaho pryzavych, zaroblenych za ŭsiu karjeru — bolš za 52,7 miljona dołaraŭ.
Treba, adnak, mieć na ŭvazie, što infarmacyja ab vyjhryšach hulcoŭ u pokier nie adlustroŭvaje ich sapraŭdny asabisty hrašovy bałans.
Pa-pieršaje, navat pry vyjhryšy z atrymanaj u vyniku sumy zaŭsiody varta adniać hrošy ŭniesienaha hulcom ustupnaha ŭniosku. Pa-druhoje, časta krynicaj srodkaŭ dla ŭniosku robiacca inviestary, tamu hulcu dastajecca tolki častka pryzavych. Pa-treciaje, na kožny vyjhryš prypadaje šerah taksama časta bujnych projhryšaŭ, jakija zastajucca za kadram.
Biełarus vyjhraŭ u pokier bolš za 7 miljonaŭ dalaraŭ
Biełarus vyjhraŭ u pokier užo amal 40 miljonaŭ dalaraŭ. Ale heta nie značyć, što jon supierbahaty
Biełarus vyjhraŭ na Kipry turnir pa pokiery i razharnuŭ ściah Ukrainy
Biełarus Mikita Badziakoŭski vyjhraŭ prestyžny załaty branzalet u pokiernym turniry, zarabiŭšy $1,5 miljona
Ciapier čytajuć
Anžalika Mielnikava tydzień praviała na Šry-Łancy i vylecieła ź dziećmi ŭ Dubaj19
Anžalika Mielnikava tydzień praviała na Šry-Łancy i vylecieła ź dziećmi ŭ Dubaj
Doktarku Alenu Mikałajevu padčas vajny adpravili na Vaładarku za dapamohu habrejam — u XXI stahodździ tam ža apyniecca jaje praŭnučka Maryna Zołatava33
Kamientary