Historyk Andrej Macuk atrymaŭ prestyžnuju navukovuju premiju ŭ Polščy
Andreju Macuku prysudzili ŭznaharodu vydańnia «Przegląd Wschodni» za 2023 hod u katehoryi «Zamiežnyja tvory». Jaho ŭhanaravali za manahrafiju «Paviatovyja sojmiki ŭ sacyjalna-palityčnym žyćci Vialikaha Kniastva Litoŭskaha (1697—1764 hh.)», vydadzienuju letaś u Vilni.
Andreju Macuku 45 hadoŭ, jon rodam z Połacka. Raniej navukoviec pracavaŭ u Instytucie historyi Nacyjanalnaj akademii navuk Biełarusi, ale paśla 2020 hoda musiŭ razam ź inšymi navukoŭcami adtul zvolnicca i pierajechać u Polšču, dzie ciapier i praciahvaje svaju plonnuju navukovuju dziejnaść.
Na siońniašni dzień Andrej Macuk — aŭtar čatyroch navukovych manahrafij:
- «Baraćba mahnackich hrupovak u VKŁ (1717—1763 hh.)» (2010);
- «Połackaje vajavodstva ŭ XVIII st.: vajavoda, šlachieckaja elita, sojmiki» (2014);
- «Hramadska-palityčnaje žyćcio Vialikaha Kniastva Litoŭskaha ŭ časy bieskaraleŭja 1733—1735 hh.» (2020);
- «Paviatovyja sojmiki ŭ sacyjalna-palityčnym žyćci Vialikaha Kniastva Litoŭskaha (1697—1764 hh.)» (2023).
Pieršyja try hetyja daśledavańni vyjšli ŭ Biełarusi pad hryfam Instytuta historyi NANB, apošniaje ž vydadziena ŭžo za miažoj, ale taksama na biełaruskaj movie.
U vieraśni minułaha hoda Andreju Macuku taksama ŭručyli premiju vydańnia Rocznik Lituanistyczny, jakoj ušanoŭvajucca navukoŭcy, što dasiahnuli vialikich viaršyń u daśledavańni historyi Vialikaha Kniastva Litoŭskaha. Jon staŭ łaŭreatam hetaj premii za 2022 hod.
Ciapier čytajuć
«Jany čamuści dumajuć, što ich zaraz zhvałciać». Prapahanda kinułasia tušyć abureńnie biełarusaŭ 150 tysiačami pakistancaŭ23
Kamientary