Siońnia ŭ Ivacevičach paśla dziesiaci sutak administracyjnaha aryštu vyjšaŭ na volu kiraŭnik Bieraściejskaj abłasnoj arhanizacyi BNF, deputat Biełaaziorskaha harsavietu Juraś Hubarevič.
Juraś Hubarevič byŭ asudžany na 10 sutak nibyta za vykarystańnie niezarehistravanaj symboliki (bieł-čyrvona-biełych ściahoŭ) u časie pracy ŭ Biarozaŭskim rajonie namiotavaha lahieru z udziełam aktyvistaŭ hramadzkich arhanizacyjaŭ i palityčnych partyjaŭ.
U izalatary časovaha ŭtrymańnia Biarozaŭskaha RAUS Juraś Hubarevič znachodziŭsia mienš za sutki. Paśla taho, jak na nastupny dzień izalatar naviedaŭ rajonny prakuror i daviedaŭsia, što hetaja ŭstanova pierapoŭnienaja asobami, jakija adbyvajuć administracyjny aryšt, Hubareviča pieravieźli ŭ taki samy izalatar ŭ Ivacevičy.
Deputat Biełaaziorskaha harsavietu Juraś Hubarevič źbirajecca brać aktyŭny udzieł i ŭ nastupnaj vybarčaj kampanii ŭ miascovyja saviety . Jon ličyć, što ciapierašni cisk ŭładaŭ u adnosinach da jaho hetamu nie pieraškodzić.
(Hubarevič:) «Tak, ja miarkuju, što jany buduć vykarystoŭvać dziela prapahandy: bačycie, Hubarevič, jaki idzie ŭ deputaty, niekalki razoŭ pa niejkich artykułach (navat nie nazyvajučy za što) byŭ asudžany.
Ale siarod nasielnictva heta daść advarotny efekt. Tyja, z kim daviałosia razmaŭlać, kali daviedvalisia pra sutnaść hetaj spravy, kazali, što heta – uładnaje samavolstva i što mnie pomściać za maju aktyŭnuju pazycyju ŭ rajonie. Tamu ludzi buduć aceńvać naadvarot, na maju karyść».
U časie apošniaj prezydenckaj kampanii Juraś Hubarevič byŭ aryštavany na 12 sutak
