Minski mietrapaliten raspavioŭ, kolki čałaviek u im moža schavacca
Ličanyja pracenty ad nasielnictva stalicy.
Mnohaje, što znachodzicca nižej za ŭzrovień ziamli i nadziejna abaroniena źvierchu, naprykład, padvały, parkinhi, padziemnyja pavierchi, padpadaje pad vyznačeńnie chovanki pry nadzvyčajnaj situacyi. Ale najvialikšym časovym schoviščam u Biełarusi źjaŭlajecca sistema minskaha mietrapalitena.
«Pry ŭźniknieńni nadzvyčajnaj situacyi my chavajem pasažyraŭ, jakija znachodziacca na stancyi, a taksama ludziej, jakija žyvuć u miežach 500 m ad hetaj stancyi abo pracujuć. Viadoma, kali adbyvajecca niejkaja situacyja, tut nichto nie budzie asabliva raźbiracca, ale, tym nie mienš, ludzi musiać viedać, što ŭ miežach 500 mietraŭ jość takaja stancyja, na joj možna schavacca ŭ vypadku nadzvyčajnaj situacyi», — patłumačyŭ aficyjny pradstaŭnik mietrapalitena Andrej Drob telekanału «Biełaruś 1».
U padziemcy mohuć schavacca zvyš 100 tys. čałaviek (niekalki pracentaŭ ad nasielnictva stalicy), a z adkryćciom novych stancyj umiaščalnaść značna pavialičycca.
Sastavy taksama padvojnaha pryznačeńnia. U asablivych vypadkach vahony pieratvarajucca ŭ špital, a na stancyi abaviazkova źjaviacca miedyki.
Mietro heta tolki časovy prytułak, ale i jano moža zabiaśpiečyć haradžan samym nieabchodnym.
Hiermazasaŭki zdolnyja abaranić stancyju ad źniešniaha ŭździejańnia — udarnaj chvali, radyjacyi, chimičnaj ataki.
A voś dzie znachodziacca inšyja chovanki, na dumku namieśnika ministra pa nadzvyčajnych situacyjach Biełarusi Alaksandra Chudalejeva, biełarusam viedać nie varta.
«Ciapier hetaja infarmacyja niedastupnaja, da taho ž abjekty začynienyja, ale pravieranyja na prydatnaść. U vypadku nadzvyčajnaha zdareńnia karty chovanak źjaviacca adrazu. Z pryčyny peŭnaj sakretnaści zdymki na takich abjektach niepažadanyja».
Achoŭnyja zbudavańni z łožkami, sistemami vientylacyi i filtracyi pavietra, jakija dapamohuć pieražyć lubuju technahiennuju katastrofu i nadzvyčajnuju situacyju, u tym liku i radyjoaktyŭnaje zabrudžvańnie, jość na ŭsich bujnych pradpryjemstvach.
Siudy ž zahadzia zavoziać hienieratary, vadu, ježu, paścielnyja prynaležnaści i miedykamienty.
U małych haradach i tym bolš u vioskach takich chovanak niama. U vypadku asablivaha stanovišča ŭ rehijonie ŭvodzicca płan adsialeńnia abo evakuacyi. U miescy časovaha pražyvańnia pierasialencaŭ pieratvorać škoły, stadyjony i łahiery.
Čytajcie taksama:
Stali viadomyja padrabiaznaści DTZ na Niamizie. Paciarpieli 4 čałavieki
Va Ufie praviaduć konkurs bambaschoviščaŭ
Paśla teraktu ŭ Padmaskoŭi ŭ handlovych centrach Minska pastavili aŭtamatčykaŭ
Kamientary