Film žachaŭ «Poźni viečar z djabłam» zarabiŭ $ 666 666 za dzień prakatu
Pa vynikach pieršaha ŭikenda chorar «Poźni viečar z djabłam» startavaŭ u ZŠA z $ 2,8 młn. Karcina z Davidam Dastmałčanam stała samym kasavym debiutam u historyi kinakampanii IFC Films — raniej lidarstva ŭtrymlivaŭ tryler «Naziralnik».
Cikava, što za niadzielny prakat stužka zarabiła roŭna $ 666 666 — znamianalnuju dla takoj tematyki sumu, piša Championat.com.
Miarkujučy pa ŭsim, heta sapraŭdy ŭdałaje supadzieńnie, a nie markietynhavy chod z boku prakatčyka, adznačajuć u vydańni Variety.
Situacyja ŭžo pryciahnuła ŭvahu zamiežnych ŚMI i zvyčajnych hledačoŭ. Analityki tym časam źviartajuć uvahu na vydatnyja dla niezaležnaj karciny zbory.
Na ich dumku, u Halivudzie ŭsio jašče jość miesca dla intelektualnych aŭtarskich filmaŭ samych roznych žanraŭ.
Kamientary