U Biełarusi źjavicca novy telekanał z navinami prapahandy non-stop — što viadoma?
Pa infarmacyi «Našaj Nivy», takuju ideju abmiarkoŭvali jašče ŭ 2020 hodzie i ciapier za jaje ŭchapilisia znoŭ.
Pa danych kanała «Matolka Pamažy», u kancy minułaha tydnia pradstaŭniki Ahienctva televizijnych navin (ATN) praviali sustreču sa studentami Biełaruskaj dziaržaŭnaj akademii mastactvaŭ. Na joj paviedamili, što 1 vieraśnia 2024 u Biełarusi płanuje pačać tranślacyju «novy infarmacyjny telekanał», siarod supracoŭnikaŭ jakoha buduć radyja bačyć vypusknikoŭ fakulteta ekrannych mastactvaŭ.
Eks-supracoŭniki «Biełteleradyjokampanii» raskazali «Našaj Nivie», što padobnyja razmovy zavodzilisia jašče ŭ 2020 hodzie:
«Pamiataju, na płaniorcy dyrektar ATN Siarhiej Chamiantoŭski skazaŭ načalnikam adździełaŭ, što «voś, mahčyma, chutka takoje budzie». Viedaju, što hetaja ideja źjaviłasia paśla druhich Jeŭrapiejskich hulniaŭ. Kamuści ŭ Administracyi Łukašenki spadabaŭsia farmat bieśpierapynnaha aśviatleńnia padziej sa spartovych placovak u žyvym efiry. I, jak heta zvyčajna byvaje, padumali: «O, a davajcie hetak ža zrobim, ale tolki z navinami!».
Pa słovach surazmoŭcy, ideja była ŭ pavieličeńni navinavaha kantentu z tranślacyjaj non-stop. I mnohija tady ŭzradavalisia mahčymaści atrymańnia dadatkovaha finansavańnia pad śviežy prajekt i novyja pracoŭnyja miescy.
«Bačna, što vybary pieraškodzili hetaj zadumcy. Ale ciapier da jaje viarnulisia», — ličyć były supracoŭnik BT.
Pa našaj infarmacyi, na bazie ATN płanujecca zrabić infarmacyjny kanał pa typu «Jeŭrańjus». Dla hetaha budzie pašyrany štat supracoŭnikaŭ.
«Na moj pohlad, heta budzie miesca dla adpracoŭki praktyki studentaŭ žurfaka. Pieršy filtr, tak by mović. I potym tych, chto siabie zarekamienduje, kančatkova zabiaruć na Makajonka, 9», — ličyć znajomy ź situacyjaj čałaviek.
Čytajcie taksama:
18-hadovaha chłopca z Bychava sudziać za «zdradu dziaržavie»3
Kamientary