Amnistavany Aleś Čarnyšoŭ, udzielnik tak zvanaj «spravy čatyrnaccaci», pavodle jakoj byli pakaranyja aktyvisty roznych moładzievych arhanizacyj
na abvinavačańni ŭ arhanizacyi masavych biesparadkaŭ, što nibyta mieli miesca padčas studzieńskich akcyj pratestu pradprymalnikaŭ u 2008 hodzie.
Alesia Čarnyšova siońnia vyklikali ŭ milicyju Centralnaha rajona Minska, dzie paviedamili: jon amnistavany.
Prysud, vyniesieny ŭ krasaviku 2008 hodu Alesiu Čarnyšovu, Michaiłu Paškieviču, Taćcianie Ciškievič, Michaiłu Kryvavu, Alesiu Bondaru, Arciomu Dubskamu, Alesiu Stralcovu — 2 hady abmiežavańnia voli biez nakiravańnia ŭ kałonii adkrytaha typu. Andrej Kim byŭ asudžany na 1,5 hoda kałonii ahulnaha režymu. Uładzimiru Siarhiejevu i Antonu Kojpišu prysudzili pa 3,5 młn rubloŭ štrafu (pa 100 bazavych vieličyniaŭ).
Taćciana Ciškievič adrazu paśla vyniasieńnia prysudu źjechała ŭ Polšču. Arciom Dubski znachodzicca ŭ turmie za parušeńnie praviłaŭ adbyćcia pakarańnia.
