Paśla apracoŭki infarmacyi, jakaja pastupiła z 60 terytaryjalnych vybarčych akruhaŭ, CVK krainy ahučyła pakazčyki jaŭki – 45,3%. Usiaho ŭ vybarach mohuć pryniać udzieł kala 37 młn. vybarščykaŭ.
17 studzienia 2010 hodu va Ŭkrainie adbyvajucca čarhovyja prezidenckija vybary. Ukraincy majuć vybrać prezydenta z 18 kandydataŭ, siarod jakich pradstaŭlenyja vyšejšyja kiraŭniki krainy i najbolš viadomyja palityki. Favarytami sioletniaj prezidenckaj kampanii źjaŭlajucca lider Partyi rehijonaŭ Viktar Janukovič i kiraŭnik uradu Julija Cimašenka, rejtynh jakich da vybaraŭ siahaŭ za 20%.
Paśla apracoŭki infarmacyi, jakaja pastupiła z 60 terytaryjalnych vybarčych akruhaŭ, Centrvybarkam Ukrainy ahučyŭ pakazčyki jaŭki – 67%. Usiaho ŭ vybarach mohuć pryniać udzieł kala 37 młn. vybarščykaŭ. Pavodle ŭkrainskaha zakanadaŭstva, paroh jaŭki ŭ dzień hałasavańnia nie ŭstaloŭvajecca, kab być abranym kandydatu treba atrymać na vybarach bolš za pałovu hałasoŭ vybarščykaŭ (50% 1 hołas) ad ahulnaj kolkaści hramadzian, jakija pryniali ŭdzieł u hałasavańni.
Pa źviestkach ukrainskaha CVK, na vybarach 2010 hodu maksimalnuju aktyŭnaść demanstrujuć žychary ŭschodnich abłaściej, samaja nizkaja jaŭka zafiksavana ŭ zachodnich rehijonach.
Nie abyšłosia na sioletnich vybarach i biez skandałaŭ. Tak, u Daniecku 17 studzienia byli zatrymanyja troje hramadzian Hruzii z dakumientami pazaštatnych karespandentaŭ ukrainskich ŚMI. Paźniej ich adpuścili. U Čarnihavie akruhovaja vybarčaja kamisija № 208 pryniała rašeńnie źniać z pasady kiraŭnika vybarkama № 33 za admovu ŭnosić hramadzian u śpis vybarščykaŭ. Pierad budynkami Viarchoŭnaj Rady Ukrainy i Centralnaj vybarčaj kamisii ŭ niadzielu źjavilisia namioty siniaha koleru, adnak biez partyjnaj simvoliki. Taksama ŚMI paviedamlajuć pra źbićcio milicyjanta na 143-m vybarčym učastku ŭ Ciarnopalskaj vobłaści i źbićci žurnalistki na ŭčastku № 7 u Zaparožžy.
