Vybary ŭ miascovyja saviety deputataŭ Respubliki Biełaruś XXVI sklikańnia pryznačany na 25 krasavika 2010 hoda. Adpaviedny ŭkaz padpisaŭ 18 studzienia Alaksandr Łukašenka.
Varta zaznačyć, što heta budzie pieršaja ŭ Biełarusi vybarčaja kampanija, jakaja projdzie zhodna z novym vybarčym zakanadaŭstvam. U niadaŭnim intervju staršynia Centralnaj kamisii pa vybarach i praviadzieńni respublikanskich refierendumaŭ Lidzija Jarmošyna zajaviła,
što miascovyja vybary ŭ mnohim vyznačać stratehiju ŭzajemaadnosinaŭ ABSIE i Biełarusi padčas prezidenckich vybaraŭ 2011 hoda.
«Hipatetyčna pryznańnie ABSIE vynikaŭ miascovych vybaraŭ važnaje. ABSIE pavinna ŭbačyć, nakolki ŭ Biełarusi sapraŭdy realna i pazityŭna dziejničajuć źmieny ŭ vybarčaje zakanadaŭstva, jakija byli pryniaty ŭ adpaviednaści z rekamiendacyjami hetaj arhanizacyi», — skazała kiraŭnik CVK.
0
0
0
0
0
0