«Moža, my pa-roznamu razumiejem słova płato?» Stryžak piarečyć Koršunavu
Sacyjołah Hienadź Koršunaŭ adznačyŭ, što palityčnyja represii ŭ Biełarusi vyjšli na płato. Kiraŭnik fondu «Bajsoł» Andrej Stryžak ź im nie pahadžajecca i apisvaje płato sa «svajho akopa».
«Pračytaŭ analityku pavažanaha Hienadzia Koršunava i chadžu zasmučany. Mnie padajecca, što my pracujem u niejkaj paralelnaj realnaści, ale moža tak, bo my pa-roznamu razumiejem słova «płato»? — piša ŭ fejsbuku Stryžak.
Jon adznačaje, što represii nie spynilisia: u dzień adbyvajecca pryblizna 10 aryštaŭ pa ŭsioj krainie.
«Uvieś čas siłaviki šukajuć i znachodziać usio novyja hrupy, jakija možna prycisnuć — architektary, dyjaspara, svajaki palitviaźniaŭ. Prykmieta času — bujnamaštabnyja karnyja apieracyi, u jakich zadziejničanyja roznyja siłavyja struktury pa ŭsioj krainie. Tut bačna paharšeńnie situacyi».
Jon źviartaje ŭvahu, što ličba pryznanych palitviaźniaŭ, na jakuju aryjentavaŭsia Koršunaŭ, va ŭmovach dyktatury i strachu całkam nie adlustroŭvaje maštab represij.
«Jaje dynamika nie adpaviadaje realnaj dynamicy taho, što adbyvajecca z palitviaźniami ŭnutry krainy. Asabliva heta bačna pa tym, što kolkaść ludziej, jakija tolki za miažoj pastfaktum hatovyja kazać pra svaje palityčnyja prysudy, raście», — ličyć Stryžak.
Da palityčnych zatrymańniaŭ jon dadaje zvalnieńni, vyciskańnie aktyŭnych ludziej za miažu, raspalvańnie varožaści i ŭzrastańnie hradusu prapahandy.
Stryžak akreślivaje asnoŭnyja linii ŭdaru:
«Značna bolš vysiłkaŭ łukašysty ciapier uskładajuć na supraćdziejańnie aktyŭnaściam dyjaspary — kryminałka za marafon, kryminałka za Narodnyja ambasady, sieryja pravakacyj i raspalvańnie litoŭska-biełaruskaha kanfliktu, vobšuki, aryšty i h.d.
Taksama łukašysty sprabujuć abarvać łancuh salidarnaści i ŭzajemadapamohi — presinh svajakoŭ, sproba pierarubić kanały, sproby ačarnieńnia struktur dapamohi».
«Vialikaja pamyłka sprabavać zrazumieć, što adbyvajecca z represijami, vyklučna pa ličbach, jakija dajuć pravaabaroncy, — pierakanany Stryžak. — Hetyja ličby čym dalej, tym bolš składana atrymlivać z krainy, jakaja pastupova zakryvajecca. Strach zaminaje ludziam kamunikavać z pravaabaroncami i davać im danyja pra pieraśled.
Dla razumieńnia ahulnaj situacyi treba aryjentavacca na trendy i ruchi, a jany ciapier adnaznačnyja. Łukašenka i Pucin rychtujucca da vajennaha supraćstajańnia z krainami NATA, i ŭ łohicy vajennaha supraćstajańnia Biełaruś, jak hałoŭny płacdarm ahresii, pavinnaja być začyščanaja ad «varožych elemientaŭ». Hetuju zadaču dyktatura aktyŭna i vykonvaje».
Čytajcie taksama:
Palityčnyja represii ŭ Biełarusi vyjšli na płato, i jano budzie zachoŭvacca — sacyjołah Koršunaŭ
51-hadovamu ajcišniku ź Minska pahražaje da vaśmi hadoŭ kałonii za danaty
Śledčy kamitet aryštavaŭ majomaść 20 «analitykaŭ Cichanoŭskaj»
Siłaviki raskazali, jak skarystali ŭ svaich intaresach siamiejnuju dramu
Minčuka aryštavali za voklič «Žyvie Biełaruś» z akna kvatery
U Baranavičach pa «narodnym» artykule siońnia asudzili adrazu 17 čałaviek
Ciapier čytajuć
Biełaruskim top-čynoŭnikam u Vałhahradzie razdali kałaradskija stužki. Marzaluk zastaŭsia ź jabłynievaj FOTY8
Kamientary
https://nashaniva.com/340017