Fota: Hienprakuratura
Spravu pa pazovie šmatdzietnaha baćki suprać žonki razhladaŭ sud z udziełam pamočnika prakurora. Mužčyna prasiŭ pazbavić baćkoŭskich pravoŭ 36-hadovuju maci šaściarych dziaciej va ŭzroście ad 1 da 17 hadoŭ.
Było ŭstanoŭlena, što maci ŭžyvała śpirtnyja napoi i ŭchilałasia ad vychavańnia dziaciej. Muž i žonka byli ŭ šlubie, ale mužčyna płaciŭ alimienty, pakolki ŭvieś čas znachodziŭsia ŭ pracoŭnych kamandziroŭkach, paviedamlaje prakuratura.
U jaho adsutnaść žonka traciła ŭsie hrošy na ŭłasnyja patreby, u tym liku ałkahol, a dziećmi nie zajmałasia. Adnojčy jana pasvaryłasia sa starejšaj dačkoj, vyhnała jaje z domu i nie puskała dzicia nazad niekalki dzion.
Siamja ličyłasia narmalnaj, piedahohi rehularna naviedvali dziaciej i nie bačyli nijakich prablem. Jak vyjaviłasia, maci rychtavałasia da prychodu haściej i zahadzia napaŭniała chaładzilnik praduktami, čapać ich dzieciam zabaraniała.
U vyniku sud zadavoliŭ pazoŭ, pazbaviŭ žančynu baćkoŭskich pravoŭ i pieradaŭ dziaciej baćku.
Čytajcie taksama:
U Minsku dziaŭčynka-padletak damahłasia praz sud pazbaŭleńnia baćki baćkoŭskich pravoŭ
![Клас Клас](https://nashaniva.com/images/reactions/reaction-like.png)
![Панылы сорам Панылы сорам](https://nashaniva.com/images/reactions/reaction-facepalm.png)
![Ха-ха Ха-ха](https://nashaniva.com/images/reactions/reaction-smile.png)
![Ого Ого](https://nashaniva.com/images/reactions/reaction-omg.png)
![Сумна Сумна](https://nashaniva.com/images/reactions/reaction-sad.png)
![Абуральна Абуральна](https://nashaniva.com/images/reactions/reaction-anger.png)