Foto: CHK «Mohilev»
Kamandu amal u poŭnym składzie adpravili na pradpryjemstva ŭ vioscy Čarnaručča ŭ Škłoŭskim rajonie, kab prybrać kamiani z paloŭ pierad pasiaŭnoj.
Chakieisty ačyścili ad kamianioŭ try vialikija pali. Hałoŭny trenier kamandy Alaksandr Maciaruchin nazvaŭ heta subotnikam i zajaviŭ, što takija «treniroŭki», maŭlaŭ, dapamahajuć kalektyvu zhurtavacca.
«Mahiloŭ» u hetym siezonie zaniaŭ pieradapošniaje miesca ŭ čempijanacie Biełarusi i nie vyjšaŭ u płej-of.
Alaksandr Łukašenka ŭ sakaviku, naviedvajučy Hrodzienskuju vobłaść, pahražaŭ staršyni Hrodzienskaha abłvykankama Uładzimiru Karaniku i svajmu pamočniku pa hetaj vobłaści Juryju Karajevu turmoj za toje, što z paloŭ nie prybranyja kamiani. Nieŭzabavie na ich prybirańnie pa ŭsioj krainie stali mabilizoŭvać biudžetnikaŭ, vajskoŭcaŭ i navučencaŭ.
Čytajcie taksama:
U Minskim rajonie na prybirańnie kamianioŭ z paloŭ mabilizavali asudžanych na «chatniuju chimiju»
Žychar Kamianca pierakryŭ vulicu kalučym drotam, kab paskoryć ramont darohi
