Antalja ŭ Turcyi. Fota: Kateryna Maksymenko / vecteezy.com
18 krasavika ź Minska startavaŭ pieršy čartar turapieratara Tez Tour, a 19 krasavika pra pačatak siezona abviaściŭ kansalidatar rejsa «AeraBiełServis».
Jak raskazali pradstaŭniki turapieratara, zahruzka pieršaha rejsa była poŭnaja. Čas u palocie pa maršrucie Minsk-Antalja — piać z pałovaj hadzin. U krasaviku zapłanavali piać rejsaŭ. A ŭ pik siezona samaloty z turystami buduć vylatać ź Minska ŭ Antalju da čatyroch razoŭ na dzień.
U hetym siezonie palacieć u Turcyju možna budzie z Bresta, Viciebska i Homiela. Papiarednie, čarternaja prahrama praciahniecca da 15 listapada.
Na bližejšyja daty ŭ krasaviku tury na siem načej dla dvaich (charčavańnie «ŭsio ŭklučana») startujuć ad 1600 jeŭra. Pucioŭki na 10 načej pačynajucca ad 2100 jeŭra. Heta samyja prostyja hateli z padborki.
Na vialikija majskija vychadnyja prapanoŭ bolš i ceny nižejšyja. Tury na siem i dziesiać načej možna znajści za $1200-1300 na dvaich. Vylet ź Minska — 9-11 maja.
Čytajcie taksama:
Šry-Łanka źmianiła praviły vydačy viz. Što treba viedać biełarusam
Šeść azijackich krain mohuć uvieści adzinuju vizu dla turystaŭ