Arciom Makaviej, hramadzianin Ukrainy, jakoha buduć sudzić za špijanaž. Fota «Radyjo Svaboda» z archiva maci Arcioma
Arciomu Makavieju niadaŭna spoŭniłasia 25 hadoŭ. Jon rodam z pasiołka Padharodnaja Mikałajeŭskaj vobłaści Ukrainy.
U 2009-m, kali chłopcu było 10 hadoŭ, u siamji zdaryłasia biada — baćka Arcioma pamior, a maci atrymała pierałom chrybietnika i doŭha prachodziła reabilitacyju.
Kab było kamu hladzieć za Arciomam, jaho pasłali da babuli ŭ Kobrynski rajon.
U vyniku chłopiec asieŭ u Biełarusi. Tut jon skončyŭ Brescki politechničny kaledž. Makaviej čas ad času pryjazdžaŭ va Ukrainu — naprykład, atrymlivaŭ tam paśviedčańnie kiroŭcy, ale stała žyŭ u Kobrynie. Chłopiec pracavaŭ dydžejem u roznych zabaŭlalnych ustanovach horada.
Arciom Makaviej, hramadzianin Ukrainy, jakoha buduć sudzić za špijanaž. Fota ź jahonaj staronki ŭ fejsbuku
Ciapier imia Arcioma Makavieja źjaviłasia ŭ raskładzie sudoŭ. Praces nad chłopcam pačniecca 29 krasavika ŭ Bresckim haradskim sudzie. Vinavaciać jaho pa artykule 358-1 Kryminalnaha kodeksa — ahienturnaja dziejnaść.
Makavieju pahražaje ad troch da siami hadoŭ kałonii.
Miesca ŭtrymańnia chłopca napeŭna nieviadomaje. Imavierna, heta SIZA Bresta.
«Naša Niva» — krynica jakasnaj infarmacyi i bastyjon biełaruščyny
PADTRYMAĆ «NN»Čytajcie taksama:
