Pavietranyja siły USU paviedamili, što nočču rasiejskaje vojska atakavała Ukrainu z dapamohaj 34 kryłatych i balistyčnych rakiet, ź jakich 21 udałosia źbić.
Jak paviedamili ŭ pryvatnaj enierhakampanii DPEK, z-za ataki surjozna paciarpieli čatyry elektrastancyi. Jość paciarpiełyja, im akazvajuć dapamohu, kolkaść paranienych nie ŭdakładniajecca.
Ministr enierhietyki Ukrainy Hierman Hałuščanka paviedamiŭ, što byli atakavanyja abjekty ŭ Dnieprapiatroŭskaj, Ivana-Frankoŭskaj i Lvoŭskaj abłaściach.
U Charkavie pad udar patrapiła psichijatryčnaja balnica. U momant ataki ŭ miedycynskaj ustanovie znachodziłasia kala tysiačy čałaviek — 900 pacyjentaŭ i jašče 250 rabotnikaŭ.
«Na ščaście, rakiety patrapili ŭ ziamlu, a nie ŭ karpusy miedustanovy — u advarotnym vypadku ciažka ŭjavić kolkaść zahinułych i paciarpiełych. Jość adzin paranieny čałaviek, stupień — lohkaja», — paviedamiŭ kiraŭnik horada Ihar Cierachaŭ.
Čytajcie taksama:
Pientahon nieadkładna nakiroŭvaje na padtrymku Ukrainy zbroju na miljard dalaraŭ
