Pytańnie, ci adbirać u piśmieńnika tytuł, razhladaje siońnia haradzkaja rada.
Pytańnie, ci adbirać u piśmieńnika tytuł, razhladaje siońnia haradzkaja rada.
Niamiecki laŭreat Nobeleŭskaj premii pa litaratury Giunter Gras (Günter Grass) nakiravaŭ list meru polskaha Gdańsku, dzie jon naradziŭsia i hanarovym hramadzianinam jakoha źjaŭlajecca.
Paśla taho, jak u svajoj novaj bijahrafii Gras upieršyniu paviedamiŭ, što ŭ časie Druhoj suśvietnaj vajny jon padletkam słužyŭ u vojskach SS, u Polščy prahučali patrabavańni pazbavić piśmieńnika tytułu hanarovaha hramadzianina, jaki byŭ prysvojeny jamu za asablivy ŭniosak u narmalizacyju i raźvićcio ŭzajeminaŭ miž dźviuma susiednimi krainami. Burmistar Pavał Adamovič (Adamowicz) paviedamiŭ ŭ aŭtorak pra «vielmi cikavaje i časam kranalnaje pasłańnie». Pavodle jahonych słovaŭ, Gras daje ŭ im adkazy na «niekatoryja pytańni». Zaraz rychtujecca pierakład tekstu na polskuju movu. Ci budzie jon nadrukavany, zaležyć ad kiraŭnictva horadu, – paviedamlaje Deutsche Welle
Gazeta.pl udakładniaje, što siońnia haradzskaja rada Gdańsku maje pryniać rašeńnie u spravie hanarovaha hramadzianstva Grasa. Miž tym, sami žychary Gdańsku nia bačać patreby adbirać u piśmieńnika tytuł. Takoj pazycyi prytrymlivajucca kala 72% adsotkaŭ haradžanaŭ, apytanych na zamovu haradzkich uładaŭ.
Kamientary