Minzdaroŭja pryznała, što ŭ stacyjanarach Minska nie chapaje miescaŭ
Pra heta paviedamiła namieśnik načalnika ŭpraŭleńnia arhanizacyi miedycynskaj dapamohi, načalnik adździeła śpiecyjalizavanaj miedycynskaj dapamohi Ministerstva achovy zdaroŭja Taćciana Mihal na pres‑kanfierencyi ŭ Minsku 21 studzienia.
Jana padkreśliła, što niedachop miescaŭ u staličnych balnicach nie zaklučajecca ŭ tym, što «ludzi lažać u kalidorach ci isnujuć vialikija čerhi na špitalizacyju, adnak napružanaść ź miescami ŭ stacyjanarach usich profilaŭ adčuvajecca».
Narmatyŭ zabiaśpiečanaści miescami ŭ balnicach Biełarusi składaje 9 łožkaŭ na 1.000 žycharoŭ i 8 łožka‑miescaŭ na 1.000 žycharoŭ dla Minska.
Niedachop miescaŭ u stacyjanarach Minska, pavodle słoŭ Mihal, źviazany z tym, š
to nasielnictva stalicy ŭvieś čas raście, a balnicy budavalisia ŭ bolšaści svajoj daŭno.
Akramia taho, kolkaść miescaŭ pamianšałasia z‑za rekanstrukcyi, jakaja pravodziłasia ŭ 9‑j haradskoj kliničnaj balnicy i Haradskoj kliničnaj balnicy chutkaj miedycynskaj dapamohi. Nieŭzabavie budzie začyniena taksama na rekanstrukcyju 2‑ia haradskaja balnica Minska.
Takim čynam, u stalicy nieabchodna pavialičvać kolkaść miescaŭ u stacyjanarach, a značyć, budavać balnicy. Heta budzie spryjać vykanańniu sacyjalnych standartaŭ u halinie achovy zdaroŭja ŭ adnosinach da łožka‑miescaŭ u balnicach, skazała Mihal.
-
«Biełarusy i ŭ Dubai biełarusy». Jak suajčyńniki arhanizavali dapamohu tym, chto nie moža viarnucca damoŭ praz zakrytaje nieba
-
«Pad kaniec adpačynku daviedalisia, što tut niama schoviščaŭ». Biełarusy, što znachodziacca ŭ AAE, raskazali, jak im tam ciapier
-
Bujnaja sietka zaradnych stancyj zapuściła ŠI-taryfy dla elektrakaraŭ
Ciapier čytajuć
Pahražaŭ vajskoŭcam raskryć, chto ź ich homaseksuał, kab vypytać sakrety i pradać Ukrainie. Voś za što adyjozny funkcyjanier BRSM atrymaŭ 17 hadoŭ kałonii9
Kamientary