Śpievaka ź Niderłandaŭ adchilili ad udziełu ŭ Jeŭrabačańni
26-hadovy śpiavak Jost Klejn ź Niderłandaŭ akazaŭsia ŭ centry skandału: u vyniku jaho adchilili ad udziełu ŭ konkursie «Jeŭrabačańnie». Napiaredadni Klejnu ŭžo zabaranili naviedvać repietycyi.
«Zaraz my rasśledujem incydent, pra jaki nam paviedamili, z udziełam niderłandskaha artysta. Jon nie budzie ŭdzielničać u repietycyjach da dalejšaha apaviaščeńnia», — zajavili raniej u Jeŭrapiejskim viaščalnym sajuzie (EBU).
Pa danych šviedskaj telekampanii SVT, pamiž Klejnam i fatohrafam za kulisami adbyłasia fizičnaja sutyčka. Aficyjnaja pryčyna rasśledavańnia ŭ dačynieńni da muzykanta pakul što nie raskryvajecca.
Klejn užo pryciahnuŭ da siabie ŭvahu na sumiesnaj pres-kanfierencyi ź dziesiaćciu pieramožcami druhoha paŭfinału Jeŭrabačańnia. U pryvatnaści, jon niekalki razoŭ biez dazvołu vykazaŭsia nakont udziełu ŭ konkursie Eden Hołan, jakaja pradstaŭlaje Izrail.
Jon taksama demanstratyŭna padniaŭ nad hałavoj ściah Niderłandaŭ, kali śpiavačka rabiła zajavu. Raniej Klejn admoviŭsia fatahrafavacca pobač z Hołan.
Finał Jeŭrabačańnia projdzie siońnia viečaram, pačatak a 22-j hadzinie.
Kamientary