Vajskovaja raźviedka Ukrainy ŭznaharodziła biełaruskich dobraachvotnikaŭ
Imiony ŭznaharodžanych nie nazyvajuć.
Za mužnaść padčas vykanańnia bajavych zadańniaŭ vajary Pałka imia Kastusia Kalinoŭskaha nieadnarazova byli adznačanyja miedalami «Za bojovi zasłuhi», «Ukrajina — ponad usie!», «Za poranieńnia», «Za sprijańnia vojeńnij roźvidci Ukrajini» II stupieni, adznakami «Za mužnisť pri vikonańni śpieczavdań» i «Počiesna vidznaka» ad Hałoŭnaha ŭpraŭleńnia raźviedki Ministerstva abarony Ukrainy i ad Ministerstva abarony Ukrainy, paviedamlaje Połk Kalinoŭskaha.
Vajary «Sten», «Sievier», «Bułak» i «Bies» atrymali z ruk prezidenta Ukrainy Uładzimira Zialenskaha ordeny «Za mužnisť» III stupieni. Źmicier Apanasovič «Teror» uznaharodžany miedalom «Za bojovi zasłuhi» paśmiarotna.
Taksama paśmiarotna ŭznaharodžany miedalom «Ukrajina — ponad usio!» Pavieł Susłaŭ «Vołat».
35 kalinoŭcaŭ atrymali ad Rady Biełaruskaj Narodnaj Respubliki (BNR) miedali «Za bajavyja zasłuhi». Mirasłava Łazoŭskaha paśmiarotna ŭznaharodzili ordenam Žaleznaha rycara — najvyšejšaj uznaharodaj BNR. Heta pieršaje viadomaje prysudžeńnie tytuła kavalera ordena Žaleznaha rycara z 1952 hoda. Illa Chrenaŭ «Litvin», Źmicier Apanasavič «Teror», Pavieł Susłaŭ «Vołat», Ivan Marčuk «Brest», Vasil Hrudavik «Atam», Vasil Parfiankoŭ «Siabro», Vadzim Šatroŭ «Papik» uznaharodžanyja Miedalom Ordenu Pahoni BNR.
Asobna treba adznačyć biełaruskaha dobraachvotnika Alaksieja Skoblu z pazyŭnym «Tur» — biełarusa, jaki paśmiarotna atrymaŭ zvańnie «Hieroja Ukrainy» paśla pačatku poŭnamaštabnaj vajny. Choć Alaksiej i nie byŭ vajarom Pałka Kastusia Kalinoŭskaha, ale mnohija kamandziry Pałka jaho viedali, bo razam ź im pačynali vajavać u składzie Taktyčnaj hrupy «Biełaruś», i jaho śmierć u samym pačatku vajny mnohimi ŭ padraździaleńni była ŭspryniataja blizka da serca.
Za asabistuju mužnaść i hieraizm Alaksieju Skobli nadadzienaje zvańnie «Hieroj Ukrainy» i orden «Załataja Zorka». Skobla staŭ druhim biełarusam, uhanaravanym zvańniem hieroja Ukrainy paśmiarotna.
Pieršym byŭ Michaił Žyźnieŭski, jaki zahinuŭ u 2014 hodzie na Majdanie.
Bližejšym časam buduć vyzvaleny bolš za 150 palitźniavolenych39
Kamientary