Pryčym heta nadzvyčaj redki vid, jaki znachodzicca pad pahrozaj źniknieńnia.
Z kastryčnika pa listapad 2022 hoda na Kubie na krakadziłavaj fiermie drapiežniki zabili 145 čatyrochmiesiačnych dzicianiat kubinskaha krakadziła — heta nadzvyčaj redki vid, jaki znachodzicca pad pahrozaj źniknieńnia. Napad ździejśnili biazdomnyja koški, piša RBK sa spasyłkaj na Live Science.
Ekśpierty pieraličyli dokazy taho, što ataki ździejśnili koški. Pablizu ź miescam złačynstva byli znojdzienyja futra i padazronyja adznaki. Kamiery sačeńnia zafiksavali jak minimum adnu košku, jakaja zajšła ŭ valjer da krakadziłaŭ. Taksama supracoŭniki fiermy bačyli, jak koški jeli niešta pobač ź fiermaj.
Paśla tam byli znojdzienyja frahmienty cieł krakadziłaŭ. Ataki spynilisia paśla taho, jak na fiermie złavili i pavieźli ŭ inšaje miesca siem badziažnych košak. Dokazaŭ, što ŭ valjerach byli i inšyja drapiežniki, daśledčyki nie znajšli.
Kubinskija krakadziły žyvuć tolki ŭ bałotach Sapata i Łańjer. U dzikaj pryrodzie ich zastałosia kala 3 tysiač. U nadziei pavialičyć papulacyju štohod na fiermie Zapata Swamp Crocodile Breeding Farm vypuskajuć na volu kala 500 asobin.
Kubinskija krakadziły majuć kaścianyja hrabiani za vačyma. Jany vielmi cikaŭnyja i ahresiŭnyja. Mohuć vysoka vyskokvać z vady.
Džordž Amata ź Instytuta paraŭnalnaj hienomiki Amierykanskaha muzieja naturalnaj historyi (jon nie ŭdzielničaŭ u daśledavańni ab napadach na krakadzilat, ale adkazaŭ na pytańni Live Science) źviarnuŭ uvahu na toje, što napady adbyvalisia ŭ štučnym asiarodździ. U dzikaj pryrodzie nielha sustreć vielizarnuju kolkaść dzicianiat krakadziłaŭ, zakrytych u nievialikim pamiaškańni.
I ŭsio ž, na jaho dumku, daśledavańnie pakazvaje: vuličnyja koški mohuć akazvać bolšy ŭpłyŭ na papulacyi dzikich žyvioł, čym ličycca.
Kamientary
Ad mety, jakaja nia mieścicca ŭ hałasie, vyvodzić niebiaśpiečnaha drapiežnika ŭ žabrackaj krainie, da realizacyi. Da taho ž nieistotna, sapraŭdy katy pajeli hetuju hidotu, ci staršynia krakadziłavaha saŭhasu pašyŭ sa skury čaravikaŭ, a skinuŭ na "złačynnych" kotak.
Nie paŭziraŭsia jašče na voks populi, cikava, jakich mordaŭ nastavili čytačy. Nie ździŭlusia, što z prakrakadyłavaj padvodkoj žałaślivych
Empatyčnyja ludzi, što skazać, nieŭzabavie i kurahadoŭlu ŭ kletkach, i łasosievyja fermy sabie zabaroniać "nadz[jonnym zakonam" z "humanistyčnych" pamknieńniaŭ. Jadućmuć travu i žukoŭ, a fermy buduć z čyrvonaknižnymi jadavitymi pavukami, źmiejami dy krakadziłami