Najbahaciejšaja žančyna Aŭstralii zapatrabavała pryniać jaje partret z Nacyjanalnaj halerei. U čym pryčyna?
Pavodle paviedamleńniaŭ aŭstralijskich ŚMI, miljarderka źviarnułasia ŭ Nacyjanalnuju halereju i paprasiła prybrać z publičnaha pakazu svoj partret. Nadta ŭžo jana na im samoj sabie nie padabajecca, piša CNN.
U Nacyjanalnaj halerei Aŭstralii ŭ Kanbiery visić sieryja karcin, na jakich namalavanyja znakamityja abo ŭpłyvovyja ludzi krainy. Tam jość i były premjer-ministr Skot Morysan, i alimpijskaja čempijonka Keci Frymen, i navat niabožčyca-karaleva Lizavieta II. Usiaho ŭ sieryi 21 partret. Aŭtar rabot — znakamity aŭstralijski mastak Vinsent Namatžyra, jaki pachodzić ź miascovych abaryhienaŭ.
Jość u hetaj sieryi partretaŭ i malunak Džyny Rajnchart — samaj bahataj žančyny Aŭstralii. Džyna atrymała ŭ spadčynu ad baćki hornazdabyŭnuju kampaniju Hancock Prospecting i pašyryła jaje. Pavodle acenak Forbes, jaje bahaćcie składaje kala 30 miljardaŭ dalaraŭ.
Tamu nie dziŭna, što takaja žančyna zasłužyła honar mieć svoj partret u halerei abranych. Ale joj samoj jon čamuści nie spadabaŭsia nastolki, što Džyna Rajnchat vyrašyła ad takoha honaru admovicca.
Aŭtar partreta, adnak, aptymizmu nie tracić. Jon vykazaŭ nadzieju, što Rajnchart z časam zmoža pa-inšamu zirnuć na jaho karcinu i źmianić svajo mierkavańnie.
«Ja maluju śviet takim, jakim ja jaho baču. Ludziam nie abaviazkova padabajucca maje karciny, ale ja spadziajusia, što jany znojduć čas, kab pahladzieć i padumać: «Čamu hety chłopiec-abaryhien namalavaŭ takich upłyvovych ludziej? Što jon sprabuje skazać?» — adznačyŭ Namatžyra.
Ciapier čytajuć
Jak razhuł pryrody viarnuŭ cieły Barbary Radzivił i vialikaha kniazia Alaksandra i čamu tajamnicu źniknieńnia ichnich rehalij zmahli raskryć tolki ciapier77
Kamientary