Hramadstva6464

Knyrovič: «Babaryka – idealist. Heta nie pamyłka, a chryścijanskaja achviarnaść»

Biźniesoviec Alaksandr Knyrovič u novym vypusku TOKu vykazaŭ svoj pohlad na Viktara Babaryku.

Viktar Babaryka. Fota ź jaho staronki ŭ Fejsbuku

Padčas hutarki Knyroviča paprasili nazvać try pamyłki Viktara Babaryki. Na heta biźniesoviec zadumaŭsia: «A ci byli pamyłki?» I patłumačyŭ:

«Čałaviek vieryŭ u toje, što ŭ ramkach sistemy mahčymy pieramieny, zakonnyja pieramieny».

Knyrovič adznačyŭ, što całkam upeŭnieny, što ŭdzieł Babaryki ŭ vybarach — nie «rasijski prajekt», a «jaho asabistaje žadańnie i asabisty vybar na hetym etapie žyćcia zrabić vielmi važnuju dla krainy spravu. Jon vieryŭ i ščyra havaryŭ, što jaho sadžać niama za što, i jon ščyra choča paŭdzielničać u vybarach».

Alaksandr Knyrovič Alexander Knyrovich Aleksandr Knyrovič
Alaksandr Knyrovič. Skryn videa: TOK_talk / YouTube

Biznesmien zaŭvažaje, što pradstaŭniki staroj apazicyi, jakija daŭno ŭdzielničali ŭ vybarach, daviedaŭšysia ab namiery Babaryki bałatavacca na prezidenckich vybarach, «pakrucili kala skroni: «Kudy ty lezieš? Ciabie rastopčuć». Ale jon byŭ i jość idealistam. Jon ujaŭlaŭ sabie mahčymaść hetych pieramien i zachacieŭ pasprabavać».

Knyrovič padkreślivaje, što nie moža nazvać rašeńnie Babaryki pamyłkaj, i dadaje:

«Dla mianie siońnia Babaryka heta chryścijanskaja achviarnaść. Heta achviara ŭ imia budučyni Biełarusi. Jon pasprabavaŭ zrabić pa zakonie. Pa zakonie jon by pieramoh.

I toje, što jamu nie dali heta zrabić, pryviało ŭ tym liku da pratestaŭ 2020 hoda i razumieńniu biełaruskim hramadstvam, u jakim bolš jak 50 pracentaŭ prahałasavała za pieramieny, što niemahčymy nijaki biaspłatny i biasšoŭny pierachod ad siońniašniaj Biełarusi da narmalnaj jeŭrapiejskaj krainy».

Kab nie było Babaryki, my b da hetaj pary pamylalisia, i šmat čaho było «kali b». Tamu jon ździejśniŭ całkam chryścijanskuju achviaru. Pajšoŭ na hetuju hałhofu i praciahvaje za nas usich nieści svoj kryž. Tamu ja nie mahu nazvać nivodnaj pamyłki, bo nie liču, što jon pamyliŭsia».

Hladzicie całkam:

Kamientary64

  • Hazprom ,- kašalok Kramla
    19.05.2024
    Babaryka vieryŭ i ščyra havaryŭ, što jaho sadžać niama za što./
    To bok u 2010m hodzie, kali ŭsich kandydataŭ pasadzili, ich "było za što", pa mierkavańni Babaryki?
  • Pytańnie
    19.05.2024
    Babaryka pasprabavaŭ zrabić pa zakonie. Pa zakonie jon by pieramoh./

    To bok usie papiarednija kandydaty ŭ prezidenty (Alaksandr Milinkievič, Alaksandr Kazulin, Jarasłaŭ Ramančuk, Ryhor Kastusioŭ, Uładzimir Niaklajeŭ, Vital Rymašeŭski, Aleś Michalevič, Mikałaj Statkievič) nie sprabavali pa zakonie rabić? Adzin tolki Babaryka sprabavaŭ pa zakonie rabić?
  • Pytańnie
    19.05.2024
    Adkul u Knyroviča takaja ŭpeŭnienaść, što pieramoh by Babaryka? A nie Siarhiej Cichanoŭski, naprykład? Jaki pa ŭsich haradach źbiraŭ natoŭpy ludziej.
 
Naciskańnie knopki «Dadać kamientar» aznačaje zhodu z rekamiendacyjami pa abmierkavańni.

Tramp: 17 sistem Patriot adpravim va Ukrainu8

Tramp: 17 sistem Patriot adpravim va Ukrainu

Usie naviny →
Usie naviny

HUBAZiK zajaviŭ pra zatrymańnie dvuch mahiloŭcaŭ: nibyta jany jechali ŭ krainu z pašpartami Novaj Biełarusi15

Ad čajavańnia z abarankami da piesień pra «hierojaŭ SVA». Jak Ruski dom prynosić u Hrodna ruski śviet17

Biełaruski viertalot Mi-24 źbiŭ rasijski bieśpiłotnik, jaki lacieŭ va Ukrainu8

Zabojstva pałkoŭnika SBU ŭ Kijevie ździejśnili hramadzianie Azierbajdžana6

Žychary ahraharadka źviarnulisia da Łukašenki: dziciačy sadok zakryvajuć, a małych, navat dvuchhadovych, buduć vazić za 20 km10

Jak žyvie prosty minski zvarščyk, jaki vyjhraŭ try miljony rubloŭ5

Kudy addać sioleta svaich dziaciej, kab jany vučylisia pa-biełarusku1

Krainy ES pahadzilisia źnizić cenavaje abmiežavańnie na rasijskuju naftu na 15 %

U Francyi źniavoleny zmoh źbiehčy z turmy — jaho vynies u sumcy sukamiernik, jaki vyzvaliŭsia

bolš čytanych navin
bolš łajkanych navin

Tramp: 17 sistem Patriot adpravim va Ukrainu8

Tramp: 17 sistem Patriot adpravim va Ukrainu

Hałoŭnaje
Usie naviny →

Zaŭvaha:

 

 

 

 

Zakryć Paviedamić